Publish Date: Wed, 11 May 2022 (10:56 IST)
Updated Date: Wed, 11 May 2022 (10:57 IST)
ಮುಂಬೈ: ಐಪಿಎಲ್ 2022 ರಲ್ಲಿ ಮೂರು ಮೂರು ಬಾರಿ ಗೋಲ್ಡನ್ ಡಕ್ ಆಗಿರುವ ವಿರಾಟ್ ಕೊಹ್ಲಿ ಭಾರೀ ಟೀಕೆಗೊಳಗಾಗಿದ್ದರು. ಆದರೆ ಕಿಂಗ್ ಕೊಹ್ಲಿ ಇದನ್ನು ಕೂಲ್ ಆಗಿಯೇ ಸ್ವೀಕರಿಸಿದ್ದಾರೆ.
ಗೋಲ್ಡನ್ ಡಕ್ ಗಳ ಬಗ್ಗೆ ಮತ್ತು ಇತ್ತೀಚೆಗಿನ ರನ್ ಬರಗಾಲದ ಬಗ್ಗೆ ಕೊಹ್ಲಿ ಸಂದರ್ಶನವೊಂದರಲ್ಲಿ ತಮಾಷೆಯಾಗಿ
ಮಾತನಾಡಿದ್ದಾರೆ.
ನಾನು ಈ ಋತುವಿನಲ್ಲಿ ಎಲ್ಲವನ್ನೂ ನೋಡಿದೆ. ಎರಡನೇ ಬಾರಿ ಗೋಲ್ಡನ್ ಡಕ್ ಆದಾಗ ನಿಮಗೆ ಏನನಿಸುತ್ತದೋ ಅದಕ್ಕೂ ಹಾಗೇ ಅನಿಸುತ್ತದೆ. ಅಸಹಾಯಕರಂತೆ ಅನಿಸುತ್ತದೆ. ನನ್ನ ವೃತ್ತಿ ಜೀವನದಲ್ಲಿ ಈ ರೀತಿ ಆಗಿದ್ದು ಬಹಳ ಕಡಿಮೆ. ಆದರೆ ಈಗ ಎಲ್ಲವನ್ನೂ ಅನುಭವಿಸಿದೆ ಎಂದು ಕೊಹ್ಲಿ ತಮಾಷೆಯಾಗಿ ಹೇಳಿಕೊಂಡಿದ್ದಾರೆ.