ಚೆನ್ನೈ: ಕೊರೋನಾ ಆತಂಕ ಐಪಿಎಲ್ ಆಡುತ್ತಿರುವ ಕ್ರಿಕೆಟಿಗರಲ್ಲೂ ಮನೆ ಮಾಡಿದೆ. ಕೊರೋನಾ ಭಯದಿಂದಾಗಿ ಡೆಲ್ಲಿ ಕ್ಯಾಪಿಟಲ್ಸ್ ಕ್ರಿಕೆಟ್ ಆರ್ ಅಶ್ವಿನ್ ಟೂರ್ನಿಯನ್ನೇ ಬಿಟ್ಟು ಹೊರನಡೆದಿದ್ದಾರೆ.
ಇದನ್ನು ಅವರು ಮುಕ್ತವಾಗಿ ಹಂಚಿಕೊಂಡಿದ್ದು, ‘ನನ್ನ ಕುಟುಂಬವೀಗ ಕೊರೋನಾ ವಿರುದ್ಧ ಹೋರಾಡುತ್ತಿದೆ. ಇಂತಹ ಕಠಿಣ ಪರಿಸ್ಥಿತಿಯಲ್ಲಿ ನಾನು ಅವರ ಜೊತೆಗಿದ್ದು, ಬೆಂಬಲಿಸಬೇಕಾಗಿದೆ. ಅದಕ್ಕಾಗಿ ಐಪಿಎಲ್ ತೊರೆಯಲೇಬೇಕಿದೆ. ಪರಿಸ್ಥಿತಿ ಸುಧಾರಿಸಿದ ಬಳಿಕ ತಂಡಕ್ಕೆ ಮರಳುತ್ತೇನೆ’ ಎಂದು ಅಶ್ವಿನ್ ಪ್ರಕಟಿಸಿದ್ದಾರೆ.
ಆರ್ ಸಿಬಿಯ ಇಬ್ಬರು ಆಟಗಾರರು ವೈಯಕ್ತಿಕ ಕಾರಣ ನೀಡಿ ತಂಡ ತೊರೆದಿದ್ದರು. ಇದೂ ಕೊರೋನಾ ಭಯದಿಂದಲೇ ಎನ್ನಲಾಗುತ್ತಿದೆ. ಆದರೆ ಅಧಿಕೃತವಾಗಿ ಈ ಕಾರಣವನ್ನು ಅವರು ನೀಡಿಲ್ಲ. ಆದರೆ ವಿದೇಶೀ ಆಟಗಾರರಿಗೆ ಕೊರೋನಾ ಭಯ ಹೆಚ್ಚಾಗಿದೆ ಎನ್ನಲಾಗಿದೆ.