ಐಪಿಎಲ್ ನಿಂದ ಟೀಂ ಇಂಡಿಯಾಗೆ ಬಡ್ತಿ ಪಡೆದ ಆಟಗಾರರು

ಮುಂಬೈ: ಐಪಿಎಲ್ 2022 ರಲ್ಲಿ ಉತ್ತಮ ಪ್ರದರ್ಶನ ನೀಡಿದ ಅನೇಕ ಆಟಗಾರರಿಗೆ ದ.ಆಫ್ರಿಕಾ ವಿರುದ್ಧದ ಟಿ20 ಸರಣಿಗೆ ಅವಕಾಶ ಸಿಕ್ಕಿದೆ.

ಈ ಮೊದಲು ಐಪಿಎಲ್ ಒಂದೇ ಟೀಂ ಇಂಡಿಯಾ ಸೇರಿಕೊಳ್ಳಲು ಮಾನದಂಡವಲ್ಲ ಎನ್ನಲಾಗುತ್ತಿತ್ತು. ಆದರೆ ಈಗ ಐಪಿಎಲ್ ಪ್ರದರ್ಶನ ಆಧರಿಸಿ ಕಿರು ಮಾದರಿ ಕ್ರಿಕೆಟ್  ಗೆಆಟಗಾರನ್ನು ಆಯ್ಕೆ ಮಾಡಲಾಗಿದೆ.

ಈ ಪೈಕಿ ಉಮ್ರಾನ್ ಮಲಿಕ್ ಗೆ ಇದು ಮೊದಲ ಕರೆ. ಉಳಿದಂತೆ ಋತುರಾಜ್ ಗಾಯಕ್ ವಾಡ್, ಅರ್ಷ್ ದೀಪ್ ಸಿಂಗ್,  ರವಿ ಬಿಷ್ಣೋಯ್, ಆವೇಶ್ ಖಾನ್, ಹರ್ಷಲ್ ಪಟೇಲ್, ದೀಪಕ್ ಹೂಡಾ ಮತ್ತೆ ಟೀಂ ಇಂಡಿಯಾದಲ್ಲಿ ಸ್ಥಾನ ಪಡೆದಿರುವುದಕ್ಕೆ ಐಪಿಎಲ್ ಪ್ರದರ್ಶನವೇ ಕಾರಣವಾಗಿದೆ.