Publish Date: Sat, 25 Sep 2021 (11:15 IST)
Updated Date: Sat, 25 Sep 2021 (10:16 IST)
ದುಬೈ: ಐಪಿಎಲ್ 14 ರ ಎರಡನೇ ಭಾಗದಲ್ಲಿ ಆರ್ ಸಿಬಿಗೆ ಒಂದೇ ಒಂದು ಗೆಲುವು ಸಿಕ್ಕಿಲ್ಲ. ಯುಎಇ ನೆಲದಲ್ಲಿ ಆರ್ ಸಿಬಿ ಸಂಪೂರ್ಣ ತಡಬಡಾಯಿಸಿದೆ. ಇದೀಗ ಪ್ಲೇ ಆಫ್ ಹಾದಿ ಸುಗಮಾಗಬೇಕಾದರೆ ಆರ್ ಸಿಬಿಗೆ ಐದು ಅವಕಾಶಗಳಿವೆ.
ಅಗ್ರ ನಾಲ್ಕು ತಂಡಗಳಿಗೆ ಮಾತ್ರ ಪ್ಲೇ ಆಫ್ ಹಂತಕ್ಕೇರಲು ಸಾಧ್ಯ. ಆರ್ ಸಿಬಿಗೆ ಇನ್ನು ಲೀಗ್ ಹಂತದಲ್ಲಿ ಐದು ಪಂದ್ಯಗಳನ್ನು ಆಡಲು ಅವಕಾಶವಿದೆ. ಈ ಪೈಕಿ ಮೂರು ಪಂದ್ಯಗಳನ್ನು ಗೆದ್ದರೆ ಪ್ಲೇ ಆಫ್ ಹಾದಿ ಸುಗಮವಾಗಬಹುದು.
ಈ ಪೈಕಿ ಒಂದು ಪಂದ್ಯ ನಾಳೆ ಮುಂಬೈ ಇಂಡಿಯನ್ಸ್ ವಿರುದ್ಧ ಆಡಬೇಕಿದೆ. ಮುಂಬೈ ಕೂಡಾ ಇನ್ನೂ ಯುಎಇನಲ್ಲಿ ಗೆಲುವಿನ ಖಾತೆ ತೆರೆದಿಲ್ಲ. ಇದಲ್ಲದೆ ರಾಜಸ್ಥಾನ್, ಪಂಜಾಬ್, ಹೈದರಾಬಾದ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಪಂದ್ಯವಿದೆ. ಈ ಪೈಕಿ ಮೂರು ಪಂದ್ಯಗಳನ್ನು ಗೆದ್ದರೂ ಆರ್ ಸಿಬಿಗೆ ಪ್ಲೇ ಆಫ್ ಕನಸು ಜೀವಂತವಾಗಲಿದೆ.