ಐಪಿಎಲ್ 14 ಕ್ಕೆ ಇಂದು ಆಟಗಾರರ ಹರಾಜು

ಚೆನ್ನೈ: ಐಪಿಎಲ್ 14 ನೇ ಆವೃತ್ತಿಗೆ ಆಟಗಾರರ ಹರಾಜು ಪ್ರಕ್ರಿಯೆ ಇಂದು ಚೆನ್ನೈನಲ್ಲಿ ನಡೆಯಲಿದೆ. ಈ ವರ್ಷದ ಆವೃತ್ತಿಗೆ ಯಾವ ಆಟಗಾರರು ಯಾವ ಫ್ರಾಂಚೈಸಿಗೆ ಯಾವ ಮೊತ್ತಕ್ಕೆ ಬಿಕರಿಯಾಗುತ್ತಾರೆ ಎಂಬ ಕುತೂಹಲಕ್ಕೆ ಇಂದು ತೆರೆ ಬೀಳಲಿದೆ.

ಹರಾಜು ಪಟ್ಟಿಯಲ್ಲಿ 292 ಆಟಗಾರರಿದ್ದು, 164 ಭಾರತೀಯ ಮತ್ತು 125 ವಿದೇಶೀ ಆಟಗಾರರಿದ್ದಾರೆ. ವಿದೇಶೀ ಆಟಗಾರರ ಪೈಕಿ ಇಂಗ್ಲೆಂಡ್ ನ ಮೊಯಿನ್ ಅಲಿ, ಆಸ್ಟ್ರೇಲಿಯಾದ ಸ್ಟೀವ್ ಸ್ಮಿತ್, ಗ್ಲೆನ್ ಮ್ಯಾಕ್ಸ್  ವೆಲ್, ಸ್ಯಾಮ್ ಬಿಲ್ಲಿಂಗ್ಸ್, ಕ್ರಿಸ್ ಮಾರಿಸ್ ಮುಂತಾದ ಪ್ರಮುಖ ಆಟಗಾರರು ಹರಾಜು ಪಟ್ಟಿಯಲ್ಲಿದ್ದಾರೆ. ಎಲ್ಲಾ ತಂಡಗಳು ಶೇ.75 ರಷ್ಟು ಹಣ ಖರೀದಿಗಾಗಿ ವ್ಯಯಿಸಬಹುದಾಗಿದೆ.