ಐಪಿಎಲ್ ನಲ್ಲಿ ಹರಾಜಾಗಲು 1097 ಆಟಗಾರರ ನೋಂದಣಿ

ಮುಂಬೈ: ಅತ್ಯಂತ ಶ್ರೀಮಂತ ಕ್ರೀಡಾಕೂಟವೆಂದೇ ಕರೆಯಿಸಿಕೊಳ್ಳುವ ಐಪಿಎಲ್ ನಲ್ಲಿ ಹರಾಜಾಗಲು ಆಟಗಾರರು ತುದಿಗಾಲಲ್ಲಿ ನಿಂತಿರುತ್ತಾರೆ. ಈ ಬಾರಿಯ ಐಪಿಎಲ್ ಹರಾಜು ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳಲು ಬರೋಬ್ಬರಿ 1097 ಆಟಗಾರರು ನೋಂದಣಿ ಮಾಡಿಕೊಂಡಿದ್ದಾರೆ.

ವಿದೇಶೀ ಆಟಗಾರರ ಪೈಕಿ ಹೆಚ್ಚಿನವರು ವೆಸ್ಟ್ ಇಂಡೀಸ್ ಮೂಲದವರು ಎನ್ನುವುದು ವಿಶೇಷ.  ಈ ಆಟಗಾರರ ಪಟ್ಟಿಯನ್ನು ಪರಿಷ್ಕರಿಸಿ ಬಿಸಿಸಿಐ ಅಂತಿಮ ಪಟ್ಟಿ ಹೊರಬಿಡಲಿದೆ. ಇವರಲ್ಲಿ ಭಾರತೀಯ ಆಟಗಾರರು 814 ಮಂದಿಯಿದ್ದರೆ, ವಿದೇಶೀಯರು 283 ಆಟಗಾರರಿದ್ದಾರೆ. ಸ್ಪಾಟ್ ಫಿಕ್ಸಿಂಗ್ ನಿಷೇಧ  ಶಿಕ್ಷೆ ಮುಗಿಸಿ ಕ್ರಿಕೆಟ್ ಗೆ ಮರಳಿರುವ ಕೇರಳದ ವೇಗಿ ಶ್ರೀಶಾಂತ್ ಕೂಡಾ ಪಟ್ಟಿಯಲ್ಲಿದ್ದಾರೆ. ಫೆಬ್ರವರಿ 18 ರಂದು ಹರಾಜು ಪ್ರಕ್ರಿಯೆ ನಡೆಯಲಿದೆ.