ಬೆಂಗಳೂರು: ಐಪಿಎಲ್ 13 ಮುಗಿದ ಬೆನ್ನಲ್ಲೇ ಎಲ್ಲಾ ಫ‍್ರಾಂಚೈಸಿಗಳೂ ತಮ್ಮ ಈ ಆವೃತ್ತಿಯ ಪ್ರದರ್ಶನ ನೋಡಿಕೊಂಡು ಮುಂದಿನ ಐಪಿಎಲ್ ಗೆ ತಯಾರಿ ಆರಂಭಿಸಿದ್ದಾರೆ.
ಮೂಲಗಳ ಪ್ರಕಾರ ಆರ್ ಸಿಬಿ ಕೂಡಾ ತನ್ನ ಬಳಿಯಿರುವ ಆಡದ ಆಟಗಾರರಿಗೆ ಕೊಕ್ ನೀಡುವ ಸಾಧ್ಯತೆಯಿದೆ. ಆ ಪೈಕಿ ಪ್ರಮುಖರೆಂದರೆ ವೇಗಿ ಉಮೇಶ್ ಯಾದವ್, ಡೇಲ್ ಸ್ಟೈನ್ ಮತ್ತು ಜೋಶ್ ಫಿಲಿಪ್ಪೆ. ಈ ಮೂವರೂ ಆಟಗಾರರಿಂದ ಹೇಳಿಕೊಳ್ಳುವಂತಹ ಪ್ರದರ್ಶನ ಬಂದಿಲ್ಲ. ಅದರಲ್ಲೂ ಮೊಹಮ್ಮದ್ ಸಿರಾಜ್ ರಂತಹ ಯುವ ವೇಗಿಗಳು ಅದ್ಭುತ ಪ್ರದರ್ಶನ ನೀಡುತ್ತಿರುವಾಗ ಉಮೇಶ್ ಯಾದವ್, ಸ್ಟೈನ್ ರಂತಹ ಅನುಭವಿಗಳನ್ನು ಮುಂದಿನ ಐಪಿಎಲ್ ಗೆ ಆರ್ ಸಿಬಿ ಹೊರಕ್ಕಿಟ್ಟರೂ ಅಚ್ಚರಿಯಿಲ್ಲ.
