ದುಬೈ: ಐಪಿಎಲ್ 13 ರಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ಗೆಲುವಿನ ರೂವಾರಿಯಾಗಿದ್ದ ರಾಜಸ್ಥಾನ್ ರಾಯಲ್ಸ್ ತಂಡದ ರಿಯಾಗ್ ಪರಾಗ್ ಗೆದ್ದ ಬಳಿಕ ಮೈದಾನದಲ್ಲೇ ಅಸ್ಸಾಮೀ ನೃತ್ಯ ಮಾಡಿ ಸಂಭ್ರಮಿಸಿದ್ದಾರೆ.
ಗೆಲುವಿನ ರನ್ ಓಡಿದ ಬಳಿಕ ರಿಯಾಗ್ ತಮ್ಮ ಬ್ಯಾಟ್, ಹೆಲ್ಮೆಟ್ ಕಳಚಿಟ್ಟು ಪೆವಿಲಿಯನ್ ಕಡೆಗೆ ನೋಡುತ್ತಾ ಅಸ್ಸಾಮೀ ನೃತ್ಯ ಮಾಡಿದ್ದಾರೆ. ಅವರು ನೃತ್ಯ ನೋಡಿ ಎದುರಾಳಿ ನಾಯಕ ಡೇವಿಡ್ ವಾರ್ನರ್ ಕೂಡಾ ಅಚ್ಚರಿಗೊಳಗಾಗಿದ್ದಾರೆ. ಅಸ್ಸಾಮ್ ನ ಸಾಂಪ್ರದಾಯಿಕ ಬಿಹು ನೃತ್ಯ ಇದಾಗಿದೆ. ಬಾಲ್ಕನಿಯಲ್ಲಿ ಕೆಲವು ಅಸ್ಸಾಮೀ ಹುಡುಗರಿದ್ದರು. ಅವರಿಗಾಗಿ ನೃತ್ಯ ಮಾಡಿದೆ ಎಂದು ಪಂಧ್ಯದ ಬಳಿಕ ಹೇಳಿಕೊಂಡಿದ್ದಾರೆ. ಪರಾಗ್ ನೃತ್ಯದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
