ಮುಂದಿನ ಐಪಿಎಲ್ ಗೆ 10 ಟೀಂ, ಫಾರಿನ್ ಆಟಗಾರರೂ ಹೆಚ್ಚಾಗ್ತಾರೆ

ಮುಂಬೈ: ಮುಂದಿನ ಐಪಿಎಲ್ ಗೆ ತಂಡಗಳ ಸಂಖ್ಯೆ ಹೆಚ್ಚಳದ ಜತೆಗೆ ವಿದೇಶೀ ಆಟಗಾರರನ್ನೂ ಹೆಚ್ಚಿಸಲು ಬಿಸಿಸಿಐ ಅಧಿಕಾರಿಗಳು ಚಿಂತನೆ ನಡೆಸಿದ್ದಾರೆ.

ದೀಪಾವಳಿ ಬಳಿಕ ಮುಂದಿನ ಐಪಿಎಲ್ ನ ರೂಪುರೇಷೆ ಸಿದ್ಧಪಡಿಸಲು ಸಭೆ ನಡೆಸಲಿರುವ ಬಿಸಿಸಿಐ ಉನ್ನತಾಧಿಕಾರಿಗಳು ಈ ವಿಚಾರಗಳನ್ನು ಚರ್ಚೆ ನಡೆಸಲಿದ್ದಾರೆ. ಒಟ್ಟು 10 ತಂಡಗಳನ್ನು ಸೇರ್ಪಡೆಗೊಳಿಸುವ ಬಗ್ಗೆ ಮತ್ತು ವಿದೇಶೀ ಆಟಗಾರರ ಸಂಖ್ಯೆ 4 ರಿಂದ 5 ಕ್ಕೆ ಏರಿಕೆ ಮಾಡುವ ಬಗ್ಗೆ ಬಿಸಿಸಿಐ ಚಿಂತನೆ ನಡೆಸಿದೆ. ಈ ಮೂಲಕ ಐಪಿಎಲ್ ಗೆ ಮತ್ತಷ್ಟು ಮೆರಗು ನೀಡುವ ಯೋಜನೆ ಬಿಸಿಸಿಐನದ್ದು.