ನ್ಯೂಯಾರ್ಕ್: ಪಾಕಿಸ್ತಾನ ಸೇನಾ ಮುಖ್ಯಸ್ಥ ಆಸಿಫ್ ಮುನೀರ್ ನನ್ನು ತಮ್ಮ ದೇಶಕ್ಕೆ ಕರೆಯಿಸಿಕೊಂಡು ರಾಜಾತಿಥ್ಯ ನೀಡಿರುವ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಪ್ಲ್ಯಾನ್ ಬೇರೆಯೇ ಇದೆ.
ಲಾಭವಿಲ್ಲದೇ ಅಮೆರಿಕಾ ಯಾವ ಕೆಲಸವನ್ನೂ ಮಾಡುವ ದೇಶವಲ್ಲ ಎಂಬುದು ಜಗತ್ತಿಗೇ ಗೊತ್ತಿದೆ. ಈಗ ಐ ಲವ್ ಪಾಕಿಸ್ತಾನ್ ಎನ್ನುತ್ತಿರುವುದಕ್ಕೂ ಆ ದೇಶದ ಸೇನಾ ಮುಖ್ಯಸ್ಥನನ್ನು ಕರೆದು ಆತಿಥ್ಯ ಕೊಟ್ಟಿರುವುದಕ್ಕೂ ಅಂತಹದ್ದೇ ಕಾರಣವಿದೆ.
ಇಸ್ರೇಲ್ ಮತ್ತು ಇರಾನ್ ನಡುವಿನ ಯುದ್ಧದಲ್ಲಿ ಈಗ ಅಮೆರಿಕಾ ಇಸ್ರೇಲ್ ಪರ ನಿಂತಿದೆ. ಇನ್ನೇನು ಮಾತು ಕೇಳದಿದ್ದರೆ ಇರಾನ್ ಮೇಲೆ ಯುದ್ಧ ಸಾರಲೂ ಅಮೆರಿಕಾ ಸನ್ನದ್ಧವಾಗಿದೆ. ಈ ವಾರಂತ್ಯಕ್ಕೇ ಅಮೆರಿಕಾ ಇರಾನ್ ಮೇಲೆ ದಾಳಿ ನಡೆಸಬಹುದು ಎಂಬ ಸುದ್ದಿಯಿದೆ.
ಈ ನಡುವೆ ಇರಾನ್ ಮೇಲೆ ದಾಳಿ ನಡೆಸಬೇಕು ಎಂದರೆ ಅಮೆರಿಕಾಗೆ ಅದರ ನೆರೆಯ ರಾಷ್ಟ್ರ ಪಾಕಿಸ್ತಾನದ ಸಹಾಯ ಬೇಕು. ಪಾಕಿಸ್ತಾನದ ವಾಯುನೆಲೆಗಳನ್ನು ಬಳಸಿಯೇ ಅಮೆರಿಕಾ ಯುದ್ಧ ಮಾಡಬೇಕು. ಆದರೆ ಪಾಕಿಸ್ತಾನ ತನ್ನ ನೆರೆಯ ರಾಷ್ಟ್ರ ಇರಾನ್ ಗೆ ಬೆಂಬಲ ನೀಡುತ್ತಿದೆ. ಇರಾನ್ ವಿರುದ್ಧ ದಾಳಿ ನಡೆಸಬೇಕು ಎಂದರೆ ಅಮೆರಿಕಾಗೆ ಈಗ ಪಾಕಿಸ್ತಾನದ ಸಹಾಯ ಬೇಕೇ ಬೇಕು.
ಇದೇ ಕಾರಣಕ್ಕೆ ಡೊನಾಲ್ಡ್ ಟ್ರಂಪ್ ಬಾಯಲ್ಲಿ ಈಗ ಪಾಕಿಸ್ತಾನದ ಜಪ ಜೋರಾಗಿದೆ ಎನ್ನಲಾಗಿದೆ. ಇದೇ ಕಾರಣಕ್ಕೆ ಎಲ್ಲರನ್ನು ಬಿಟ್ಟು ಪಾಕಿಸ್ತಾನದ ಸೇನಾ ಮುಖ್ಯಸ್ಥರನ್ನೇ ಕರೆದು ರಾಜಾತಿಥ್ಯ ನೀಡಿದೆ. ಪಾಕಿಸ್ತಾನದಲ್ಲಿ ಸೇನಾ ಮುಖ್ಯಸ್ಥನಿಗೆ ಅಷ್ಟು ಪವರ್ ಇದೆ. ಅಲ್ಲಿ ಆಡಳಿತ ಮಾಡುವವರಿಗಿಂತಲೂ ಸೇನಾಧಿಕಾರಿಗಳೇ ಪವರ್ ಫುಲ್. ಹೀಗಾಗಿ ಅಮೆರಿಕಾ ಎಲ್ಲಿ ಹೊಡೆಯಬೇಕೋ ಅಲ್ಲೇ ಹೊಡೆದಿದೆ.
