ಶಾಂತಿ ಮಾತುಕತೆ ನಡುವೆಯೇ ಇರಾನ್ ಮೇಲೆ ಅಮೆರಿಕಾ ದಾಳಿ

ಟೆಹ್ರಾನ್: ಅಮೆರಿಕ ಮತ್ತು ಇರಾನ್ ನಡುವೆ ಕದನ ವಿರಾಮ ಮತ್ತು ಶಾಂತಿ ಮಾತುಕತೆಗಳು ನಡೆಯುತ್ತಿದ್ದಾಗ್ಯೂ, ಅಮೆರಿಕದ ಸೆಂಟ್ರಲ್ ಕಮಾಂಡ್ ದಕ್ಷಿಣ ಇರಾನ್‌ನ ನೆಲೆಗಳ ಮೇಲೆ ಹೊಸದಾಗಿ 'ಸ್ವಯಂ ರಕ್ಷಣೆಗಾಗಿ' ದಾಳಿಗಳನ್ನು ನಡೆಸಿರುವುದಾಗಿ ಅಧಿಕೃತವಾಗಿ ಘೋಷಿಸಿದೆ.

ದಾಳಿಯ ಪ್ರಮುಖ ವಿವರಗಳು:
ಗುರಿಗಳು: ದಕ್ಷಿಣ ಇರಾನ್‌ನಲ್ಲಿರುವ ಕ್ಷಿಪಣಿ ಉಡಾವಣಾ ನೆಲೆಗಳು  ಮತ್ತು ಇಂಟರ್ನ್ಯಾಷನಲ್ ಜಲಮಾರ್ಗವಾದ 'ಸ್ಟ್ರೇಟ್ ಆಫ್ ಹಾರ್ಮುಜ್' ನಲ್ಲಿ ಮೈನ್‌ಗಳನ್ನು (ಡೈನಮೈಟ್‌ಗಳನ್ನು) ಇಡಲು ಯತ್ನಿಸುತ್ತಿದ್ದ ಇರಾನ್‌ನ ಮಿಲಿಟರಿ ದೋಣಿಗಳನ್ನು ಗುರಿಯಾಗಿಸಿಕೊಂಡು ಅಮೆರಿಕ ಈ ದಾಳಿ ನಡೆಸಿದೆ.

ಬಂದರ್ ಅಬ್ಬಾಸ್‌ನಲ್ಲಿ ಸ್ಫೋಟ: ಇರಾನ್‌ನ ಪ್ರಮುಖ ಮಿಲಿಟರಿ ಬಂದರು ನಗರವಾದ ಬಂದರ್ ಅಬ್ಬಾಸ್ ಸುತ್ತಮುತ್ತ ಭಾರಿ ಸ್ಫೋಟಗಳು ಸಂಭವಿಸಿವೆ ಎಂದು ಇರಾನ್‌ನ ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ. ಈ ದಾಳಿಯಲ್ಲಿ ಇರಾನ್‌ನ ರೆವಲ್ಯೂಷನರಿ ಗಾರ್ಡ್ಸ್‌ನ ಕನಿಷ್ಠ ನಾಲ್ಕು ಸೈನಿಕರು ಸಾವನ್ನಪ್ಪಿದ್ದಾರೆ ಎನ್ನಲಾಗಿದೆ.

ಅಮೆರಿಕದ ಸಮರ್ಥನೆ: ಇರಾನ್‌ನೊಂದಿಗೆ ಶಾಂತಿ ಮಾತುಕತೆಗಳು ಚಾಲ್ತಿಯಲ್ಲಿದ್ದರೂ, ತಮ್ಮ ಪಡೆಗಳ ರಕ್ಷಣೆಗಾಗಿ ಈ ತಡೆಗಟ್ಟುವ ದಾಳಿ ಅನಿವಾರ್ಯವಾಗಿತ್ತು ಎಂದು ಅಮೆರಿಕದ ನೌಕಾಪಡೆಯ ಅಧಿಕಾರಿಗಳು ತಿಳಿಸಿದ್ದಾರೆ.