21 ರ ಹರೆಯದ ಸ್ಟಿಫೇನಿ ಬ್ಯೂಡಾಯಿನ್‌ನನ್ನು 2014 ರಲ್ಲಿ 42 ಮನೆಗಳಿಗೆ ಕನ್ನ ಹಾಕಿದ್ದಕ್ಕಾಗಿ ಹಾಗೂ 58,000 ಡಾಲರ್ ಮೌಲ್ಯದ ವಸ್ತುಗಳನ್ನು ಕಳುವು ಮಾಡಿದ್ದಕ್ಕಾಗಿ ಬಂಧಿಸಲಾಗಿತ್ತು. ಅವಳಿಂದ ಮೂರು ಅಕ್ರಮ ಶಸ್ತ್ರಾಸ್ತ್ರಗಳನ್ನು ಸಹ ವಶಪಡಿಸಿಕೊಳ್ಳಲಾಗಿತ್ತು ಹಾಗೂ ಕಳ್ಳತನಕ್ಕೆ ನೆರವಾಗಲು 11, 13 ಮತ್ತು 17 ರ ವಯಸ್ಸಿನ ಅಪ್ರಾಪ್ತ ಸಹಚರರನ್ನು ಹೊಂದಿದ್ದಕ್ಕಾಗಿ ಬಂಧಿಸಲಾಗಿತ್ತು.
ಸಾಮಾಜಿಕ ಮಾಧ್ಯಮಗಳಲ್ಲಿ ಅವಳ ಚಿತ್ರಗಳು ವೈರಲ್ ಆಗಿ ಹರಿದಾಡುತ್ತಿದದಂತೆಯೇ ಅವಳು ವಿಶ್ವದ ಅತ್ಯಂತ ಸುಂದರ ಕಳ್ಳಿಯಾದಳು. ಆಕೆಯ ಅಪರಾಧಗಳು ಸಾಬೀತಾದ ನಂತರ, ಅವಳು ವಾರಾಂತ್ಯದಲ್ಲಿ ಮಾತ್ರ ಸೇವೆ ಸಲ್ಲಿಸಬೇಕಾದ 90 ದಿನಗಳ ಜೈಲು ಶಿಕ್ಷೆಗೆ ಒಳಗಾದಳು. ಆದರೆ ಕೆಲವೇ ದಿನಗಳಲ್ಲಿ ಅವಳು ಜೈಲು ಶಿಕ್ಷೆಯನ್ನು ಪೂರ್ಣಗೊಳಿಸಿದ ನಂತರ, ಅವಳು ಮಾಡೆಲಿಂಗ್ ಕ್ಷೇತ್ರಕ್ಕೆ ಸೇರಿಕೊಂಡಿದ್ದಾಳೆ.
ಸ್ಟಿಫೇನಿ ತನ್ನ ಬಂಧನದ ಮೊದಲು ಸೀಮಿತವಾದ ಮಾಡೆಲಿಂಗ್ ವೃತ್ತಿ ಜೀವನವನ್ನು ಹೊಂದಿದ್ದಳು ಹಾಗೂ ಕೆಲವು ಕ್ಯಾಲೆಂಡರ್‌ಗಳಿಗೆ ಮಾತ್ರ ಮಾಡೆಲಿಂಗ್ ಭಂಗಿಯನ್ನು ನೀಡುತ್ತಿದ್ದಳು. ಆದರೆ ಅವಳ ಚಿತ್ರಗಳು ವೈರಲ್ ಆದ ನಂತರ, ಅವಳು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡಿದಳು, ಅವಳ ಮಾಡೆಲಿಂಗ್‌ಗೆ ಆಗ ಬೇಡಿಕೆ ಸಿಕ್ಕಿತು.
ಅವಳನ್ನು ಬಂಧಿಸಿದ ನಂತರ, ಅವಳು ಫೇಸ್‌ಬುಕ್‌ನಿಂದ ಅವಳ ಕೆಲವು ಅತ್ಯಾಕರ್ಷಕ ಚಿತ್ರಗಳನ್ನು ಅಳಿಸಲು ಪೊಲೀಸ್ ಅಧಿಕಾರಿಗೆ ತನ್ನ ಮೊಬೈಲ್ ಅನ್ನು ನೀಡುವಂತೆ ಕೇಳಿಕೊಂಡಿದ್ದಳು.
ಅವಳು ಸ್ಥಳೀಯ ಪುರುಷರ ಪತ್ರಿಕೆಯ ಮುಖಪುಟದಲ್ಲಿಯೂ ಸಹ ಕಾಣಿಸಿಕೊಂಡಳು. ಅವಳನ್ನು ಮಾಡೆಲಿಂಗ್ ಏಜೆನ್ಸಿ ಸಹ ನೇಮಕ ಮಾಡಿಕೊಂಡಿತ್ತು.
ಒಟ್ಟಿನಲ್ಲಿ, ತನ್ನ ವ್ಯಕ್ತಿತ್ವವನ್ನು ಕ್ರಿಮಿನಲ್ ನಡವಳಿಕೆಯನ್ನು ಉತ್ತೇಜಿಸಲು ಬಳಸದಿದ್ದಲ್ಲಿ ಮಾತ್ರ ಅವಳು ಮಾಡೆಲ್ ಆಗಿ ಮುಂದುವರಿಯಬಹುದು ಎಂದು ನ್ಯಾಯಾಧೀಶರು ತೀರ್ಪು ನೀಡಿದ್ದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
