ಇಸ್ಲಾಮಾಬಾದ್: ಐಪಿಎಲ್ ಪಂದ್ಯದ ವೇಳೆ ನಮ್ಮ ಸೈಬರ್ ಯೋಧರು ಫ್ಲಡ್ ಲೈಟ್ ಗಳನ್ನು ಹ್ಯಾಕ್ ಮಾಡಿದ್ದರು, ಅಣೆಕಟ್ಟುಗಳ ಗೇಟ್ ತೆರೆದು ನೀರು ಹರಿಸಲಾಯಿತು ಎಂದೆಲ್ಲಾ ಬಡಬಡಾಯಿಸಿ ಪಾಕಿಸ್ತಾನದ ರಕ್ಷಣಾ ಸಚಿವ ಖವಾಜ ಆಸಿಫ್ ಫುಲ್ ಟ್ರೋಲ್ ಆಗಿದ್ದಾರೆ.
ನಮ್ಮ ಸೈಬರ್ ಯೋಧರು ಭಾರತದ ವಿರುದ್ಧ ಎಂಥಾ ಕ್ರಮ ಕೈಗೊಂಡಿದ್ದರು ಎಂದರೆ ಐಪಿಎಲ್ ಪಂದ್ಯದ ವೇಳೆ ಅವರ ಫ್ಲಡ್ ಲೈಟ್ ಗಳನ್ನು ಹ್ಯಾಕ್ ಮಾಡಿದ್ದರು. ಭಾರತದ ಅಣೆಕಟ್ಟುಗಳ ಗೇಟ್ ತೆರೆದು ನೀರು ಬಿಟ್ಟರು ಎಂದು ಖವಾಜ ಆಸಿಫ್ ಬಡಬಡಾಯಿಸಿದ್ದಾರೆ.
ಮಿಸ್ಟರ್ ಖವಾಜ ನಿಮ್ಮ ಬುದ್ಧಿವಂತಿಕೆಗೆ ದೊಡ್ಡ ನಮಸ್ಕಾರ. ಫ್ಲಡ್ ಲೈಟ್ ಗಳನ್ನು ವೈಫೈನಲ್ಲಿ ನಿರ್ವಹಿಸಲ್ಲ. ವಿದ್ಯುತ್ ವ್ಯವಸ್ಥೆಗಳಲ್ಲಿ ನಿರ್ವಹಿಸಲಾಗುತ್ತದೆ ಎಂದು ತಮಾಷೆ ಮಾಡಿದ್ದಾರೆ. ಇನ್ನು, ಕೆಲವರು ಯಾವ ಬ್ರ್ಯಾಂಡ್ ಹಾಕಿಕೊಂಡು ಈ ಮಾತನಾಡುತ್ತಿದ್ದೀರಿ ಎಂದು ಕಾಲೆಳೆದಿದ್ದಾರೆ. ಮತ್ತೆ ಕೆಲವರು ಮುಂದಿನ ಬಾರಿ ಸ್ಕೋರ್ ಬೋರ್ಡ್ ಹ್ಯಾಕ್ ಮಾಡಿ ಆಯ್ತಾ ಎಂದು ಪುಕ್ಸಟೆ ಸಲಹೆ ನೀಡಿದ್ದಾರೆ.
