ಅಮೆರಿಕ: ನ್ಯೂಯಾರ್ಕ್ ನ ಲೋವರ್‌ ಮ್ಯಾನ್‌ ಹ್ಯಾಟನ್‌ ನ ಉಗ್ರ ಅಟ್ಟಹಾಸ ಮೆರೆದಿದ್ದಾನೆ. ಜನನಿಬಿಡ ಬೈಕ್‌ ಪಾತ್‌ ನಲ್ಲಿ ಪಿಕ್‌ಅಪ್‌ ಟ್ರಕ್‌ ನುಗ್ಗಿಸಿದ ಉಗ್ರ 8 ಮಂದಿಯನ್ನು ಹತ್ಯೆಗೈದಿದ್ದಾನೆ.
ಮಂಗಳವಾರ ಮಧ್ಯಾಹ್ನ 3:05ರ ಸುಮಾರಿಗೆ 29 ವರ್ಷದ ಉಗ್ರ ಪಿಕ್‌ ಅಪ್‌ ಟ್ರಕ್‌ ಅನ್ನು ರಸ್ತೆ ಮೇಲೆ ಅಡ್ದಾದಿಡ್ಡಿ ನುಗ್ಗಿಸಿದ್ದಾನೆ. ಪರಿಣಾಮ 6 ಮಂದಿ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಇಬ್ಬರು ಸ್ಥಳೀಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದಾರೆ. ಘಟನೆಯಲ್ಲಿ ಸುಮಾರು 12 ಮಂದಿ ಗಾಯಗೊಂಡಿದ್ದಾರೆ.
ಘಟನೆ ನಡೆದ ಸ್ಥಳಕ್ಕೆ ಪೊಲೀಸರು ದೌಡಾಯಿಸಿದ್ದು, ಉಗ್ರನಿಗೆ ಗುಂಡು ಹಾರಿಸಿ ಆತನನ್ನು ವಶಕ್ಕೆ ಪಡೆದಿದ್ದಾರೆ. ಈ ವೇಳೆ ಉಗ್ರ ಅಲ್ಲಾಹು ಅಕ್ಬರ್‌ ಎಂದು ಕೂಗಿದ್ದಾನೆ ಎಂದು ನ್ಯೂಯಾರ್ಕ್ ಸಿಟಿ ಪೊಲೀಸ್‌ ಕಮಿಷನರ್‌ ತಿಳಿಸಿದ್ದಾರೆ.
