ಎಸ್ಕಲೇಟರ್ ನಲ್ಲಿ ಆಡುತ್ತಿದ್ದ ಮಗು ಬಿದ್ದು ಪ್ರಾಣವೇ ಹೋಯ್ತು ಎನ್ನುವಾಗ ಹೀರೋನಂತೆ ಬಂದ ವ್ಯಕ್ತಿ: Video

ಚೀನಾದಲ್ಲಿ ಹೃದಯವನ್ನೇ ನಡುಗಿಸುವ ಮತ್ತು ಅದೇ ಸಮಯದಲ್ಲಿ ಮೈನವಿರೇಳಿಸುವ ರಿಯಲ್ ಲೈಫ್ ಸೂಪರ್‌ಹೀರೋ ಮಾದರಿಯ ಘಟನೆಯೊಂದು ನಡೆದಿದ್ದು, ಸಿಸಿಟಿವಿ ದೃಶ್ಯಾವಳಿ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಮೇಲಕ್ಕೆ ಚಲಿಸುತ್ತಿದ್ದ ಎಸ್ಕಲೇಟರ್‌ನ ಹ್ಯಾಂಡ್‌ರೈಲ್ ಹಿಡಿದು ನೇತಾಡುತ್ತಾ ಅಪಾಯದಲ್ಲಿದ್ದ 6 ವರ್ಷದ ಬಾಲಕನನ್ನು ವ್ಯಕ್ತಿಯೊಬ್ಬರು ತಮ್ಮ ಜೀವವನ್ನೇ ಪಣಕ್ಕಿಟ್ಟು ಕ್ಷಣಾರ್ಧದಲ್ಲಿ ಕಾಪಾಡಿದ್ದಾರೆ.

ಚೀನಾದ ಶಾಪಿಂಗ್ ಮಾಲ್/ಸಾರ್ವಜನಿಕ ಸ್ಥಳ ಒಂದರಲ್ಲಿ 6 ವರ್ಷದ ಬಾಲಕನೊಬ್ಬ ಎಸ್ಕಲೇಟರ್ ಹ್ಯಾಂಡ್‌ರೈಲ್ ಮೇಲೆ ಕೈಯಿಟ್ಟು ಆಟವಾಡುತ್ತಿದ್ದಾಗ, ಮೇಲಕ್ಕೆ ಚಲಿಸುತ್ತಿದ್ದ ಹ್ಯಾಂಡ್‌ರೈಲ್ ಆತನನ್ನು ಎತ್ತಿಕೊಂಡು ಎತ್ತರಕ್ಕೆ ಸಾಗಿತ್ತು. ಬಾಲಕ ಬಿದ್ದು ಭಾರಿ ಅನಾಹುತ ಸಂಭವಿಸಲು ಕೆಲವೇ ಸೆಕೆಂಡುಗಳು ಬಾಕಿ ಇದ್ದವು.

ಇದನ್ನು ದೂರದಿಂದ ಗಮನಿಸಿದ ವ್ಯಕ್ತಿಯೊಬ್ಬರು ತಡಮಾಡದೇ ಮಿಂಚಿನ ವೇಗದಲ್ಲಿ ಓಡಿ ಬಂದಿದ್ದಾರೆ. ಓಡುವ ರಭಸದಲ್ಲಿ ಕಾಲು ಜಾರಿ ನೆಲಕ್ಕೆ ಬಿದ್ದರೂ, ತಕ್ಷಣವೇ ಎದ್ದು ನಿಂತು ಎಸ್ಕಲೇಟರ್‌ನತ್ತ ನುಗ್ಗಿ, ಎತ್ತರದಲ್ಲಿ ತೂಗಾಡುತ್ತಿದ್ದ ಬಾಲಕನನ್ನು ಕೆಳಕ್ಕೆ ಎಳೆದು ಸುರಕ್ಷಿತವಾಗಿ ಹಿಡಿದುಕೊಂಡಿದ್ದಾರೆ.

ಬಾಲಕನಿಗೆ ಯಾವುದೇ ರೀತಿಯ ಗಾಯಗಳಾಗಿಲ್ಲ. ಮಗುವನ್ನು ಸುರಕ್ಷಿತವಾಗಿ ನೆಲಕ್ಕಿಳಿಸಿದ ನಂತರ, ಆ ವ್ಯಕ್ತಿ ತಮಗೆ ಧನ್ಯವಾದ ಹೇಳಲು ಕಾಯದೆ ಅಥವಾ ಯಾವುದೇ ಕ್ರೆಡಿಟ್ ತೆಗೆದುಕೊಳ್ಳದೆ ಸದ್ದಿಲ್ಲದೆ ಅಲ್ಲಿಂದ ಹೊರಟುಹೋಗಿದ್ದಾರೆ.

ಈ ಇಡೀ ರೋಮಾಂಚನಕಾರಿ ಸಾಹಸ ನಡೆದದ್ದು ಕೇವಲ 4-5 ಸೆಕೆಂಡುಗಳಲ್ಲಿ! ಘಟನೆಯ ವಿಡಿಯೋ ವೈರಲ್ ಆಗುತ್ತಿದ್ದಂತೆ, "ಎಲ್ಲಾ ಸೂಪರ್ ಹೀರೋಗಳು ಕ್ಯಾಪ್ ಧರಿಸುವುದಿಲ್ಲ, ಕೆಲವರು ಸಾಧಾರಣ ಉಡುಪಿನಲ್ಲೂ ಇರುತ್ತಾರೆ" ಎಂದು ನೆಟ್ಟಿಗರು ಆ ವ್ಯಕ್ತಿಯ ಸಮಯಪ್ರಜ್ಞೆ ಹಾಗೂ ಧೈರ್ಯವನ್ನು ಮುಕ್ತಕಂಠದಿಂದ ಶ್ಲಾಘಿಸುತ್ತಿದ್ದಾರೆ.

pic.twitter.com/lWh9GG33gn — ????????XuZhenqing徐祯卿 (@XueJia24682) August 6, 2026