ಭಾರತದಿಂದ ಸ್ಪೂರ್ತಿ ಪಡೆದು ಚೀನಾ ಆಪ್ ನಿಷೇಧಕ್ಕೆ ಆದೇಶಿಸಿದ ಅಮೆರಿಕಾ ಅಧ್ಯ ಕ್ಷ ಡೊನಾಲ್ಡ್ ಟ್ರಂಪ್

ನ್ಯೂಯಾರ್ಕ್: ಗಡಿಯಲ್ಲಿ ಸಂಘರ್ಷ ನಡೆಸಿದ ಚೀನಾಗೆ ತಕ್ಕ ಪಾಠ ಕಲಿಸಲು ಭದ್ರತೆಯ ನೆಪದಲ್ಲಿ ಟಿಕ್ ಟಾಕ್ ಸೇರಿದಂತೆ ಚೀನಾ ಆಪ್ ಗಳಿಗೆ ನಿಷೇಧ ಹೇರಿದ್ದ ಭಾರತವನ್ನು ಸ್ಪೂರ್ತಿಯಾಗಿ ತೆಗೆದುಕೊಂಡು ಅಮೆರಿಕಾ ಕೂಡಾ ಅದೇ ಹಾದಿಯಲ್ಲಿ ನಡೆಯಲು ಮುಂದಾಗಿದೆ.

ಅಮೆರಿಕಾದಲ್ಲೂ ಟಿಕ್ ಟಾಕ್, ವಿ ಚ್ಯಾಟ್ ಸೇರಿದಂತೆ ಚೀನಾ ಆಪ್ ಗಳಿಗೆ ನಿಷೇಧ ಹೇರಲು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಆದೇಶಿಸಿದ್ದಾರೆ. ಇದಕ್ಕೆ 45 ದಿನಗಳ ಗಡುವು ವಿಧಿಸಿದ್ದಾರೆ.

ಭಾರತ ಬಿಟ್ಟರೆ ಅಮೆರಿಕಾದಲ್ಲಿ ಅತೀ ಹೆಚ್ಚು ಟಿಕ್ ಟಾಕ್ ಬಳಕೆದಾರರಿದ್ದಾರೆ. ಒಂದು ವೇಳೆ ಇಲ್ಲಿಯೂ ನಿಷೇಧ ಹೇರಿದರೆ ಟಿಕ್ ಟಾಕ್ ಭಾರೀ ನಷ್ಟ ಅನುಭವಿಸಲಿದೆ. ಅಮೆರಿಕಾವೂ ಭದ್ರತೆಯ ನೆಪವಾಗಿಸಿ ಇಂತಹ ಆಪ್ ಗಳ ನಿಷೇಧ ಮಾಡುವ ಪ್ರಸ್ತಾಪವಿಟ್ಟಿದೆ.