ಲಾಸ್ ಏಂಜಲೀಸ್: ಆಸ್ಕರ್ ವೇದಿಕೆಯಲ್ಲಿ ಪ್ರಶಸ್ತಿ ನೀಡಲು ನಟ ಜಾನ್ ಸೇನಾ ಬೆತ್ತಲಾಗಿ ಬಂದಿದ್ದಾರೆ. ಅವರ ಫೋಟೋ, ವಿಡಿಯೋಗಳು ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಲಾಸ್ ಏಂಜಲೀಸ್ ನಲ್ಲಿ ನಡೆದ ಪ್ರತಿಷ್ಠಿತ ಆಸ್ಕರ್ ಪ್ರಶಸ್ತಿ ವಿತರಣಾ ಸಮಾರಂಭದಲ್ಲಿ ಅತ್ಯುತ್ತಮ ಕಾಸ್ಟ್ಯೂಮ್ ಡಿಸೈನರ್ ಪ್ರಶಸ್ತಿ ಘೋಷಣೆ ಮಾಡಲು ನಟ ಜಾನ್ ಸೇನಾ ವೇದಿಕೆ ಬಂದಿದ್ದರು. ಆದರೆ ವೇದಿಕೆ ಬಂದ ಅವರ ಅವತಾರ ನೋಡಿ ಅಲ್ಲಿದ್ದವರೆಲ್ಲಾ ಶಾಕ್ ಆಗಿದ್ದಾರೆ.
ಮೈಮೇಲೆ ತುಂಡು ಬಟ್ಟೆಯೂ ಇಲ್ಲದೇ ಸಂಪೂರ್ಣ ಬೆತ್ತಲಾಗಿ ವೇದಿಕೆಗೆ ಬಂದಿದ್ದಾರೆ. ಸ್ಟೋರಿ ಬೋರ್ಡ್ ನಿಂದ ಕೇವಲ ತಮ್ಮ ಖಾಸಗಿ ಅಂಗಾಂಗವನ್ನು ಮಾತ್ರ ಮುಚ್ಚಿಕೊಂಡು ಬಂದಿದ್ದಾರೆ. ಬಳಿಕ ವೇದಿಕೆಯಲ್ಲಿ ಅವರಿಗೆ ಡಿಸೈನರ್ ಬಟ್ಟೆ ತೊಡಿಸಲಾಗಿದೆ. ಅವರ ಈ ನಡೆ ಬಗ್ಗೆ ಪರ-ವಿರೋಧ ಚರ್ಚೆಯಾಗುತ್ತಿದೆ.
ಕ್ರಿಯಾತ್ಮಕತೆ ಎನ್ನುವುದು ಬೇಕು, ಆದರೆ ಪ್ರತಿಷ್ಠಿತ ವೇದಿಕೆಗೆ ಬೆತ್ತಲಾಗಿ ಬರುವಷ್ಟಾ ಎಂದು ಕೆಲವರು ಕಿಡಿ ಕಾರಿದ್ದಾರೆ. ಮತ್ತೆ ಕೆಲವರು ಅವರನ್ನು ಬಾಲಿವುಡ್ ನಟರಿಗೆ ಹೋಲಿಸಿ ತಮಾಷೆ ಮಾಡಿದ್ದಾರೆ. ಆಸ್ಕರ್ ವೇದಿಕೆ ಮೇಲೆ ಜಾನ್ ಸೇನಾರಿಂದಾಗಿ ಇಷ್ಟರವರೆಗೆ ನಡೆಯದ ಅಪರೂಪದ ಘಟನೆಯೊಂದು ನಡೆದು ಹೋಗಿದೆ.
