ಚಳಿಗಾಲ ಅಂದಾಕ್ಷಣ ಸಾಮಾನ್ಯವಾಗಿ ಜಡತ್ವ ಕಾಣಿಸಿಕೊಳ್ಳುವುದು ಸಹಜ. ಚಳಿಗೆ ಮೈ ನಡುಕ ಅನ್ನುತ್ತಾ ರಾತ್ರಿ ಮಲಗಿದರೆ ಬೆಳಗ್ಗೆ 8 ಗಂಟೆಯಾದರೂ ಎಚ್ಚರವೇ ಆಗುವುದಿಲ್ಲ.ಬೆಚ್ಚಗಿನ ಬೆಡ್ ಶೀಟ್ ಹೊದ್ದು ಇನ್ನೂ ಮಲಗಬಾರದೇ ಅನಿಸುತ್ತದೆ. ಈ ಜಡತ್ವ ಮತ್ತು ಆಲಸ್ಯವನ್ನು ಹೋಗಲಾಡಿಸಲು ನಿಯಮಿತವಾದ ವ್ಯಾಯಾಮ ಬೇಕೇಬೇಕು. ಅದರಲ್ಲಿಯೂ ಮುಖ್ಯವಾಗಿ ಚಳಿಗಾಲದ ಸಮಯದಲ್ಲಿ ವ್ಯಾಯಾಮ ಮಾಡುವುದು ಆರೋಗ್ಯಕ್ಕೆ ಹೆಚ್ಚಿನ ಪ್ರಯೋಜನಗಳನ್ನು ನೀಡುತ್ತದೆ. ಪ್ರತಿನಿತ್ಯವೂ ನೀವು ವ್ಯಾಯಾಮ ಮಾಡುವ ಅಭ್ಯಾಸವನ್ನು ರೂಢಿಯಲ್ಲಿಟ್ಟುಕೊಳ್ಳಿ.