ಬೆಂಗಳೂರು : ಹಲ್ಲಿನಲ್ಲಿ ಹುಳುಕುಗಳು ತುಂಬಿದಾಗ ಹಲ್ಲುನೋವು ಶುರುವಾಗುತ್ತದೆ. ಇದರಿಂದ ಯಾವುದೇ ವಸ್ತುಗಳನ್ನು ತಿನ್ನಲು ಆಗುವುದಿಲ್ಲ. ಈ ಹಲ್ಲು ನೋವು ನಿವಾರಣೆಯಾಗಲು ಈ ಮನೆಮದ್ದನ್ನು ಬಳಸಿ.
ಹಲ್ಲುನೋವಿಗೆ ಉಪ್ಪು ನೀರು ಅತ್ಯುತ್ತಮ ಮದ್ದು. ಉಗುರು ಬೆಚ್ಚಗಿನ ನೀರಿಗೆ 2 ಚಮಚ ಉಪ್ಪು ಹಾಕಿ ಸರಿಯಾಗಿ ಬಾಯಿ ಮುಕ್ಕಳಿಸಿ.
ಎಕ್ಕ ಗಿಡದ ಹಾಲಿಗೆ ಉಪ್ಪು ಬೆರೆಸಿ ನೋವಿರುವ ಹಲ್ಲಿನ ಜಾಗಕ್ಕೆ ಹಚ್ಚಿದರೆ ಈ ನೋವು ಮಾಯವಾಗುತ್ತದೆ. ಹತ್ತಿ ಉಂಡೆಗೆ ಲವಂಗದ ಎಣ್ಣೆ ಹಾಗೂ ತೇಯ್ದ ಗಂಧ ಲೇಪಿಸಿ ಹಚ್ಚಿಕೊಂಡರೆ ನೋವು ದೂರವಾಗುತ್ತದೆ. ಪೇರಳೆ ಗಿಡದ ಚಿಗುರಿನ ಕಷಾಯ ಮಾಡಿ ಬಾಯಿ ಮುಕ್ಕಳಿಸುವುದರಿಂದ ನೋವು ಕಡಿಮೆಯಾಗುತ್ತದೆ.
ತುಳಸಿ ಎಲೆಯನ್ನು ಕಾಳು ಮೆಣಸಿನ ಜೊತೆ ಅರೆದು ಹಲ್ಲಿನ ನೋವಿದ್ದಲ್ಲಿ ಇಟ್ಟುಕೊಂಡರೆ 5 ನಿಮಿಷದಲ್ಲಿ ನೋವು ಇಲ್ಲವಾಗುತ್ತದೆ.