ಲಂಡನ್: ಕೆಲವು ಸಮಸ್ಯೆಗಳಿಗೆ ನಮ್ಮ ಸುತ್ತಮುತ್ತಲು ಸಿಗುವ ಸಾಮಾನ್ಯ ವಸ್ತುಗಳೇ ರಾಮಬಾಣವಾಗಿರುತ್ತದೆ. ಇಂದಿನ ಆಧುನಿಕ ದಿನದಲ್ಲಿ ಪುರುಷ ಮತ್ತು ಮಹಿಳೆಯರು ಲೈಂಗಿಕ ನಿರಾಸಕ್ತಿ ಅಥವಾ ನಿಮಿರುವಿಕೆ ಸಮಸ್ಯೆಯಿಂದ ಬಳಲುವುದು ಸಾಮಾನ್ಯವಾಗಿದೆ.
ಈ ಸಮಸ್ಯೆಗೆ ನಮ್ಮ ಅಡುಗೆ ಮನೆಯಲ್ಲಿ ನಾವು ಸಾಮಾನ್ಯವಾಗಿ ಬಳಸುವ ಅರಶಿಣವೇ ಮದ್ದು ಎಂದರೆ ನೀವು ನಂಬಲೇ ಬೇಕು. ವಿಜ್ಞಾನಿಗಳು ಈ ಕುರಿತು ಸಂಶೋಧನೆ ನಡೆಸಿದ್ದು, ಅರಶಿಣದಲ್ಲಿರುವ ರಾಸಾಯನಿಕ ಲೈಂಗಿಕ ನಿರಾಸಕ್ತಿ, ಅಸಮರ್ಥತೆಯನ್ನು ಹೋಗಲಾಡಿಸುತ್ತದೆ ಎಂದು ಕಂಡುಕೊಂಡಿದ್ದಾರೆ.
ಆದರೆ ಅದನ್ನು ಅಡುಗೆಯಲ್ಲಿ ಬಳಸಿದರೆ ಅದನ್ನು ಬೇಯಿಸುವುದರಿಂದ ಅಷ್ಟೊಂದು ಪರಿಣಾಮಕಾರಿಯಾಗಲಾರದು. ಅದರ ಬದಲು ಈ ಅರಶಿಣದಲ್ಲಿ ಕಂಡುಬರುವ ರಾಸಾಯನಿಕ ಬಳಸಿ ಮಾಡುವ ಔಷಧ, ಮುಲಾಮುಗಳು ಲೈಂಗಿಕ ಸಮಸ್ಯೆಯನ್ನು ಕಡಿಮೆ ಮಾಡುತ್ತದೆ ಎಂದು ವಿಜ್ಞಾನಿಗಳು ಅಭಿಪ್ರಾಯಪಡುತ್ತಾರೆ.