ಕೂತು ಕೂತು ಹೊಟ್ಟೆ ಬೆಳೆಯುತ್ತಿದೆಯೇ, ಏನು ಮಾಡಬೇಕು

ದೀರ್ಘಕಾಲ ಒಂದೇ ಕಡೆ ಕುಳಿತು ಕೆಲಸ ಮಾಡುವುದರಿಂದ ಹೊಟ್ಟೆಯ ಭಾಗದಲ್ಲಿ ಕೊಬ್ಬು ಶೇಖರಣೆಯಾಗಿ ಹೊಟ್ಟೆ ಮುಂಭಾಗಕ್ಕೆ ಬರುವುದು ಇತ್ತೀಚಿನ ದಿನಗಳಲ್ಲಿ ಸಾಮಾನ್ಯ. ಇದನ್ನು ಕಂಟ್ರೋಲ್ ಮಾಡಲು ಮತ್ತು ಬೊಜ್ಜು ಕರಗಿಸಲು ಈ ಕೆಳಗಿನ ಪರಿಣಾಮಕಾರಿ ಕ್ರಮಗಳನ್ನು ಅನುಸರಿಸಿ:

ಪ್ರತಿ 45 ನಿಮಿಷಕ್ಕೊಮ್ಮೆ ಬ್ರೇಕ್ ತಗೊಳ್ಳಿ

ಸತತವಾಗಿ ಕುಳಿತುಕೊಳ್ಳಬೇಡಿ. ಪ್ರತಿ 30 ರಿಂದ 45 ನಿಮಿಷಕ್ಕೊಮ್ಮೆ ಎದ್ದು 2-3 ನಿಮಿಷಗಳ ಕಾಲ ನಡೆಯಿರಿ ಅಥವಾ ಹಗುರವಾದ ಸ್ಟ್ರೆಚಿಂಗ್ ಮಾಡಿ.

ಫೋನ್‌ನಲ್ಲಿ ಮಾತನಾಡುವಾಗ ನಿಂತುಕೊಂಡು ಅಥವಾ ನಡೆಯುತ್ತಾ ಮಾತನಾಡುವ ಅಭ್ಯಾಸ ಮಾಡಿಕೊಳ್ಳಿ.

ನಿತ್ಯ 30 ನಿಮಿಷಗಳ ವ್ಯಾಯಾಮ

ವಾಕಿಂಗ್: ದಿನಕ್ಕೆ ಕನಿಷ್ಠ 30 ರಿಂದ 40 ನಿಮಿಷ ವೇಗವಾಗಿ ನಡೆಯಿರಿ.

ಕೋರ್ ವ್ಯಾಯಾಮಗಳು : ಪ್ಲ್ಯಾಂಕ್ , ಕ್ರಂಚಸ್, ಸೈಕ್ಲಿಂಗ್ ಕ್ರಂಚಸ್ ಮತ್ತು ಲೆಗ್ ರೈಸ್‌ನಂತಹ ವ್ಯಾಯಾಮಗಳು ಹೊಟ್ಟೆಯ ಸ್ನಾಯುಗಳನ್ನು ಬಿಗಿಗೊಳಿಸಲು ನೆರವಾಗುತ್ತವೆ.

ನಂತರ ಆಹಾರ ಪದ್ಧತಿಯಲ್ಲೂ ಬದಲಾವಣೆ ಮಾಡಿಕೊಳ್ಳಿ. ಆದಷ್ಟು ಫೈಬರ್ ಯುಕ್ತ ಆಹಾರ ಸೇವನೆ ಮಾಡಿ. ಅಧಿಕ ಕೊಬ್ಬಿನಂಶವಿರುವ, ಜಿಡ್ಡಿನಂಶದ ಆಹಾರಗಳನ್ನು ಅವಾಯ್ಡ್ ಮಾಡಿ.