ಹಾಸಿಗೆಯಲ್ಲಿ ಆ ಸುಖ ಹೆಚ್ಚಾಗಬೇಕಾದ್ರೆ ಏನ್ಮಾಡ್ಬೇಕು…

ಹಾಸಿಗೆಯಲ್ಲಿ ಸುಖ ಸಿಗೋದೇ ಇಲ್ಲ. ಪತ್ನಿ ಅಥವಾ ಪ್ರೇಯಸಿ ಜತೆಗೆ ಯಾಂತ್ರಿಕವಾಗಿಯೇ ಆ ಕಾರ್ಯ ಮುಗಿದು ಹೋಗುತ್ತಿದೆ ಅನ್ನೋರು ಈ ಸುದ್ದಿ ಓದಲೇಬೇಕು.  

ಹಾಸಿಗೆಯಲ್ಲಿ ಆ ಸುಖವೇ ಸಿಗುತ್ತಿಲ್ಲ. ದಿನಾಲೂ ಯಾಂತ್ರಿಕವಾಗಿ ಕೆಲಸ ಮುಗಿಸೋದಷ್ಟೇ. ಜೀವನವೇ ಬೇಸರ ಬಂದುಬಿಟ್ಟಿದೆ ಎನ್ನುತ್ತಾ ಕೊರಗುತ್ತಿರುವವರಿಗೆ ಹಾಸಿಗೆ ಸುಖ ಹೆಚ್ಚಿಸಿಕೊಳ್ಳೋಕೆ ಅಂತ ಐಡಿಯಾಗಳು ರೂಪುಗೊಳ್ಳುತ್ತಿವೆ.

ನಿಮ್ಮ ಸಂಗಾತಿಯೊಂದಿಗೆ ಹಾಸಿಗೆ ಸುಖ ಹೆಚ್ಚಿಸಿಕೊಳ್ಳಬೇಕೇ? ಹಾಗಾದರೆ ಅಡುಗೆ ಕೆಲಸ ಹಾಗೂ ಮನೆಗೆಲಸವನ್ನು ಪುರುಷರು ಮಾಡಬೇಕಂತೆ. ಕ್ಯಾಲಿಫೋರ್ನಿಯಾ ವಿವಿ ಸಂಶೋಧಕರ ಹೊಸ ಸಂಶೋಧನೆ ಇದನ್ನು ಬಹಿರಂಗಪಡಿಸಿದೆ. ಪತ್ನಿಗೆ ಅಡುಗೆ ಕೆಲಸ, ಮನೆಗೆಲಸದಲ್ಲಿ ಸಹಾಯ ಮಾಡುವ ಗಂಡನಿಗೆ ಲೈಂಗಿಕ ಕ್ರಿಯೆಯಲ್ಲೂ ಹೆಚ್ಚಿನ ಸುಖ ಸಿಗುತ್ತದೆ ಎಂದು ಈ ಸಂಶೋಧಕರು ಹೇಳುತ್ತಾರೆ.

ಹೆಂಡತಿಯ ಜತೆ ಕೆಲಸದಲ್ಲಿ ಗಂಡನೂ ಸೇರಿಕೊಂಡರೆ ಆಕೆಗೆ ಖುಷಿ ಹೆಚ್ಚಾಗುತ್ತೆ, ತೃಪ್ತಿ ಸಿಗುತ್ತೆ. ಮಿಲನ ಮಹೋತ್ಸವದಲ್ಲೂ ಅವಳು ಅದೇ ಖುಷಿಯಲ್ಲಿ ಪಾಲ್ಗೊಳ್ಳುತ್ತಾಳೆ. ಇದರಿಂದ ದಾಂಪತ್ಯವೂ ಸುಲಲಿತವಾಗಿ ಸಾಗುತ್ತದೆ ಎಂದು ಸಂಶೋಧಕರು ಹೇಳಿದ್ದಾರೆ.