ಸಿಡ್ನಿ: ನ್ಯೂಜಿಲೆಂಡ್ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಕ್ರಿಕೆಟಿಗ ಸ್ಟೀವ್ ಸ್ಮಿತ್ 1 ರನ್ ಗಳಿಸಿದಾಗ ಪ್ರೇಕ್ಷಕರು ಶತಕ ಸಿಡಿಸಿದವರಂತೆ ಎದ್ದು ನಿಂತು ಚಪ್ಪಾಳೆ ತಟ್ಟಿದ್ದಾರೆ.
ಸಾಮಾನ್ಯವಾಗಿ ಶತಕ ಹೊಡೆದಾಗ ಈ ರೀತಿ ಮಾಡುವುದು ಸಹಜ. ಆದರೆ ಸ್ಮಿತ್ 1 ರನ್ ಗಳಿಸಿದ್ದಕ್ಕೆ ಪ್ರೇಕ್ಷಕರು ಇಷ್ಟೊಂದು ಸಂಭ್ರಮಿಸಿದ್ದು ಏಕೆ ಎಂದರೆ ಆ 1 ರನ್ ಗಳಿಸಲು ಅವರು ಎದುರಿಸಿದ್ದು ಬರೋಬ್ಬರಿ 39 ಎಸೆತ!
ಹಿಂದೊಮ್ಮೆ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾ ಬ್ಯಾಟ್ಸ್ ಮನ್ ರಾಹುಲ್ ದ್ರಾವಿಡ್ 1 ರನ್ ಗಳಿಸಲು 40 ಎಸೆತ ಎದುರಿಸಿ ಸುದ್ದಿಯಾಗಿದ್ದರು. ಅಂದು ದ್ರಾವಿಡ್ ಕೊನೆಗೂ ಖಾತೆ ತೆರೆದಾಗ ಬ್ಯಾಟ್ ಮೇಲೆತ್ತಿ ಸಂಭ್ರಮಿಸಿದ್ದರು. ಅಂತಹದ್ದೇ ಆಟವಾಡಿ ಇದೀಗ ಸ್ಮಿತ್ ದ್ರಾವಿಡ್ ಇನಿಂಗ್ಸ್ ನ್ನು ನೆನಪಿಸಿದ್ದಾರೆ.
