ಮುಂಬೈ: ಕೊರೋನಾ ವಿರುದ್ಧ ಹೋರಾಡಲು ಪಾಕಿಸ್ತಾನದ ಕ್ರಿಕೆಟಿಗ ಶಾಹಿದ್ ಅಫ್ರಿದಿ ಫೌಂಡೇಷನ್ ಗೆ ದೇಣಿಗೆ ನೀಡುವಂತೆ ಮನವಿ ಮಾಡಿದ್ದಕ್ಕೆ ಟೀಂ ಇಂಡಿಯಾ ಕ್ರಿಕೆಟಿಗರಾದ ಯುವರಾಜ್ ಸಿಂಗ್ ಮತ್ತು ಹರ್ಭಜನ್ ಸಿಂಗ್ ಟೀಕೆಗೊಳಗಾಗಿದ್ದು ನೆನಪಿರಬಹುದು.
ಈ ಬಗ್ಗೆ ಇದೀಗ ಸ್ವತಃ ಶಾಹಿದ್ ಅಫ್ರಿದಿ ಪ್ರತಿಕ್ರಿಯಿಸಿದ್ದಾರೆ. ಹಿಂದೆ ನಾನು ಯುವರಾಜ್ ಸಿಂಗ್ ರ ಕೆನಡಾದಲ್ಲಿರುವ ಚ್ಯಾರಿಟಿಗೂ 10 ಸಾವಿರ ಡಾಲರ್ ದೇಣಿಗೆ ನೀಡಿದ್ದೆ. ಆಗ ಪಾಕಿಸ್ತಾನಿಯರು ಯಾರೂ ನನ್ನ ವಿರೋಧಿಸಲಿಲ್ಲ ಎಂದಿದ್ದಾರೆ.
ಯುವರಾಜ್ ಭಾರತೀಯ ಕ್ರಿಕೆಟಿಗ. ನೀವು ಭಾರತಕ್ಕೆ ಯಾಕೆ ಬೆಂಬಲಿಸುತ್ತಿದ್ದೀರಿ ಎಂದು ಆಗ ಯಾರೂ ನನಗೆ ಕೇಳಿರಲಿಲ್ಲ. ಈಗ ಯುವರಾಜ್ ಸಹಾಯ ಮಾಡಿದರೆ ಯಾಕೆ ಈ ರೀತಿಯ ವಿವಾದವಾಗುತ್ತಿದೆ ಎಂದು ಅಫ್ರಿದಿ ಸಂದರ್ಶನವೊಂದರಲ್ಲಿ ಪ್ರಶ್ನಿಸಿದ್ದಾರೆ.
