ಮುಂಬೈ: ಟೀಂ ಇಂಡಿಯಾದ ಹಾಟ್ ಫೇವರಿಟ್ ಜೋಡಿ ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ. ಒಬ್ಬರ ವೃತ್ತಿಗೆ ಒಬ್ಬರು ಬೆಂಬಲವಾಗಿ ನಿಲ್ಲುವ ಜೋಡಿಯ ಫೋಟೋವೊಂದು ಇದೀಗ ವೈರಲ್ ಆಗಿದೆ. ಜತೆಗೆ ಪತ್ನಿಯನ್ನು ಹೇಗೆ ಪ್ರೀತಿಸಬೇಕು ಎಂಬುದನ್ನು ವಿರಾಟ್ ನೋಡಿ ಕಲಿಯಬೇಕು ಎನ್ನುವಷ್ಟರ ಮಟ್ಟಿಗೆ ಮುದ್ದಾಗಿದೆ ಈ ಫೋಟೋ.
ನ್ಯೂಜಿಲೆಂಡ್ ನಲ್ಲಿ ರಜೆಯ ಮಜಾ ಅನುಭವಿಸುತ್ತಿರುವ ವಿರುಷ್ಕಾ ಜೋಡಿ ಸರೋವರದ ಹಿನ್ನಲೆಯ ಸುಂದರ ತಾಣವೊಂದರಲ್ಲಿ ಒಬ್ಬರ ಕಣ್ಣಲ್ಲಿ ಒಬ್ಬರು ನೋಡುತ್ತಾ ಮೈ ಮರೆತಿರುವ ಸುಂದರ ಫೋಟೋವೊಂದನ್ನು ತಮ್ಮ ಇನ್ ಸ್ಟಾಗ್ರಾಂನಲ್ಲಿ ಪ್ರಕಟಿಸಿದ್ದಾರೆ. ಈ ಫೋಟೋಕ್ಕೆ ಪ್ರಕಟವಾದ 15 ಗಂಟೆಯೊಳಗೆ 30 ಲಕ್ಷ ಲೈಕ್ಸ್ ಬಂದು ದಾಖಲೆ ಮಾಡಿದೆ.
ಇದಕ್ಕೂ ಮೊದಲು ಸೋಫಾ ಮೇಲೆ ಕುಳಿತಿದ್ದ ವಿರಾಟ್ ಗೆ ಅನುಷ್ಕಾ ಉಲ್ಟಾ ಬಾಗಿಕೊಂಡು ಮುತ್ತಿಕ್ಕುವ ಫೋಟೋ ಇದೇ ರೀತಿ ವೈರಲ್ ಆಗಿತ್ತು. ಅದಾದ ಬಳಿಕ ಕರ್ವ ಚೌತ್ ಹಬ್ಬದ ದಿನ ಚಂದ್ರನನ್ನು ನೋಡುವ ವಿರುಷ್ಕಾ ಜೋಡಿಯ ಫೋಟೋ ನೋಡಿ ಅಭಿಮಾನಿಗಳು ಭಲೇ ಭಲೇ ಎಂದಿದ್ದನ್ನು ನಾವು ಮರೆಯುವಂತಿಲ್ಲ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ