Publish Date: Wed, 13 Sep 2017 (09:00 IST)
Updated Date: Wed, 13 Sep 2017 (09:02 IST)
ಕರಾಚಿ: ವಿಶ್ವ ಇಲೆವೆನ್ ತಂಡದೊಂದಿಗೆ ಟಿ20 ಸರಣಿ ಆಡಲು ಸಜ್ಜಾಗಿರುವ ಪಾಕ್ ಕ್ರಿಕೆಟ್ ತಂಡದ ಅಭಿಮಾನಿಗಳಿಗೆ ಭಾರತದ ಸ್ಟಾರ್ ಆಟಗಾರರಿಲ್ಲ ಎನ್ನುವುದೇ ಬೇಸರ ಮೂಡಿಸಿದೆಯಂತೆ.
ವಿಶ್ವ ಇಲೆವೆನ್ ತಂಡದಲ್ಲಿ ಎಲ್ಲಾ ದೇಶದ ಆಟಗಾರರಿದ್ದೂ ಭಾರತೀಯ ಆಟಗಾರರಾದ ಕೊಹ್ಲಿ, ಧೋನಿ ಮುಂತಾದವರು ಇದ್ದಿದ್ದರೆ ಇನ್ನೂ ಚೆನ್ನಾಗಿರ್ತಿತ್ತು ಎನ್ನುವುದು ಪಾಕ್ ಅಭಿಮಾನಿಗಳ ಮನದಾಳದ ಬಯಕೆ.
ಆದರೆ ಪಾಕಿಸ್ತಾನದೊಂದಿಗೆ ವೈಮನಸ್ಯದ ಹಿನ್ನಲೆಯಲ್ಲಿ ಭಾರತ ಆ ದೇಶದೊಂದಿಗೆ ಕ್ರಿಕೆಟ್ ಆಡಲು ಒಪ್ಪುತ್ತಿಲ್ಲ. ಹೀಗಾಗಿ ವಿಶ್ವ ಇಲೆವೆನ್ ನಲ್ಲಿ ಭಾರತೀಯ ಆಟಗಾರರಿಲ್ಲ. ಆದರೆ ಟ್ವಿಟರ್ ನಲ್ಲಿ ಪಾಕ್ ಅಭಿಮಾನಿಗಳು ನಮಗೆ ವಿರಾಟ್ ಕೊಹ್ಲಿ, ಧೋನಿ ಆಡುವುದನ್ನು ನೋಡಬೇಕು. ಅವರನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇವೆ. ದಯವಿಟ್ಟು ಬನ್ನಿ ಎಂದು ಆಹ್ವಾನ ನೀಡುತ್ತಿದ್ದಾರೆ.