‘ಐ ಮಿಸ್ ಯೂ’ ಎಂದು ಕ್ರಿಕೆಟಿಗ ಕೆಎಲ್ ರಾಹುಲ್ ಹೇಳಿದ್ದು ಯಾರಿಗೆ ಗೊತ್ತಾ?

ಬೆಂಗಳೂರು: ಕೊರೋನಾದಿಂದಾಗಿ ಕ್ರಿಕೆಟ್ ಮೈದಾನಕ್ಕಿಳಿಯದೇ ಕ್ರಿಕೆಟಿಗರಿಗೆಲ್ಲಾ ತಮ್ಮ ಜೀವನದ ಬಹು ಮುಖ್ಯ ಅಂಗವೇ ಕಳೆದುಕೊಂಡಂತಾಗಿದೆ. ಬಹುಶಃ ಇಷ್ಟು ಸುದೀರ್ಘ ಬಿಡುವು ಇದುವರೆಗೆ ಕ್ರಿಕೆಟಿಗರಿಗೆ ಸಿಕ್ಕಿಲ್ಲ.

ಈ ನಡುವೆ ಟೀಂ ಇಂಡಿಯಾ ಆರಂಭಿಕ ಕೆಎಲ್ ರಾಹುಲ್ ತಮ್ಮ ಹೆಲ್ಮೆಟ್, ಬ್ಯಾಟ್, ಸೇರಿದಂತೆ ಕ್ರಿಕೆಟ್ ಪರಿಕರಗಳನ್ನು ಹರವಿಕೊಂಡು ಅದರ ಮುಂದೆ ಕುಳಿತು ‘ಐ ಮಿಸ್ ಯೂ’ ಎಂದು ಭಾವುಕರಾಗಿ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.

ಈ ಹಿಂದೆ ಕೊಹ್ಲಿ, ರೋಹಿತ್ ಶರ್ಮಾ ಕೂಡಾ ಕ್ರಿಕೆಟ್ ಮಿಸ್ ಮಾಡಿಕೊಳ್ಳುತ್ತಿರುವುದಾಗಿ ಸಾಮಾಜಿಕ ಜಾಲತಾಣದ ಮೂಲಕ ಬೇಸರ ಹೊರಹಾಕಿದ್ದರು. ಪಂದ್ಯ ಬಿಡಿ, ಅಭ್ಯಾಸವನ್ನೂ ಮಾಡಲಾಗದೇ ಕ್ರಿಕೆಟಿಗರು ಹತಾಶೆಗೊಳಗಾಗಿದ್ದಾರೆ.