ಸ್ಪಿನ್ನರ್ ಗಳನ್ನು ಎದುರಿಸುವುದು ಹೇಗೆ? ದ್ರಾವಿಡ್ ಈಮೇಲ್ ಪ್ರಕಟಿಸಿ ಕೆವಿನ್ ಪೀಟರ್ಸನ್

ಮುಂಬೈ: ಸ್ಪಿನ್ನರ್ ಗಳನ್ನು ಎದುರಿಸುವ ಬಗೆ ಹೇಗೆಂದು ‘ವಾಲ್’ ರಾಹುಲ್ ದ್ರಾವಿಡ್ ಹಿಂದೆ ತಮಗೆ ಮಾಡಿದ್ದ ಸುದೀರ್ಘ ಈ ಮೇಲ್ ಪಾಠವನ್ನು ಇಂಗ್ಲೆಂಡ್ ಮಾಜಿ ಕ್ರಿಕೆಟಿಗ ಕೆವಿನ್ ಪೀಟರ್ಸನ್ ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ್ದಾರೆ.

ತಮ್ಮ ಆಡುವ ದಿನಗಳಲ್ಲಿ ಸ್ಪಿನ್ನರ್ ಗಳನ್ನು ಎದುರಿಸಲು ಪರದಾಡುತ್ತಿದ್ದಾಗ ಪೀಟರ್ಸನ್ ದ್ರಾವಿಡ್ ಸಲಹೆ ಪಡೆದಿದ್ದರಂತೆ. ದ್ರಾವಿಡ್ ಸ್ಪಿನ್ನರ್ ಗಳನ್ನು ಎದುರಿಸುವ ಬಗೆ ಹೇಗೆಂದು ಸುದೀರ್ಘ ಈ ಮೇಲ್ ಮೂಲಕ ವಿವರಿಸಿದ್ದರು. ಇದರ ಬಗ್ಗೆ ಅವರು ಈ ಹಿಂದೆಯೇ ಹೇಳಿಕೊಂಡಿದ್ದರು. ಆದರೆ ಈಗ ಭಾರತ ಪ್ರವಾಸ ಮಾಡಲಿರುವ ಇಂಗ್ಲೆಂಡ್ ಆರಂಭಿಕರಿಗೆ ಉಪಯೋಗವಾಗಲೆಂದು ಈ ಮೇಲ್ ನ್ನು ಬಹಿರಂಗಪಡಿಸಿದ್ದಾರೆ. ಇದರಲ್ಲಿ ದ್ರಾವಿಡ್ ಸ್ಪಿನ್ ಬೌಲಿಂಗ್ ಎದುರಿಸುವ ಬಗ್ಗೆ ಸವಿವರವಾಗಿ ಬರೆದಿದ್ದಾರೆ.