ಧೋನಿ ಹೊಡೆದ ಸಿಕ್ಸರ್ ನಿಂದ ಹುಡುಗಿ ಜತೆ ಡೇಟಿಂಗ್ ಮಿಸ್ ಮಾಡಿಕೊಂಡ ಪಾಕ್ ಕ್ರಿಕೆಟಿಗ!

ಮುಂಬೈ: ಟೀಂ ಇಂಡಿಯಾ ಕ್ರಿಕೆಟಿಗ ಧೋನಿ ಹೊಡೆದ ಸಿಕ್ಸರ್ ಗೆ ಪಾಕಿಸ್ತಾನದ ಕ್ರಿಕೆಟಿಗರೊಬ್ಬರ ಲವ್ ಲೈಫ್ ಹಾಳಾಯ್ತು ಎಂದರೆ ನಂಬುತ್ತೀರಾ? ನಂಬಲೇ ಬೇಕು!

ಪಾಕಿಸ್ತಾನದ ವಿರುದ್ಧ ಆಡುವಾಗ ಧೋನಿ ಯಾವತ್ತೂ ಸ್ವಲ್ಪ ಹೆಚ್ಚೇ ಆಕ್ರಮಣಕಾರಿಯಾಗಿರುತ್ತಿದ್ದರು. ಹಿಂದೊಮ್ಮೆ ಪಾಕಿಸ್ತಾನ ಎ ತಂಡದ ವಿರುದ್ಧ ಆಡುತ್ತಿದ್ದಾಗ ಧೋನಿ ಯರ್ರಾ ಬಿರ್ರಿ ಬ್ಯಾಟ್ ಬೀಸುತ್ತಿದ್ದರು.

ಈ ನಡುವೆ ಪಾಕಿಸ್ತಾನದ ಎ ತಂಡದ ಕ್ರಿಕೆಟಿಗನೊಬ್ಬ ಮೈದಾನದಲ್ಲಿದ್ದ ಭಾರತೀಯ ಮೂಲದ ಯುವತಿಯೊಬ್ಬಳ ಸ್ನೇಹ ಸಂಪಾದಿಸಿ ಪಂದ್ಯದ ನಂತರ ಡೇಟಿಂಗ್ ಹೋಗಲು ಕನ್ವಿನ್ಸ್ ಕೂಡಾ ಮಾಡಿದ್ದರಂತೆ. ಆದರೆ ಕೆಲವೇ ಕ್ಷಣಗಳಲ್ಲಿ ಧೋನಿ ಹೊಡೆದ ಸಿಕ್ಸರ್ ಒಂದು ನೇರವಾಗಿ ಆ ಹುಡುಗಿಗೇ ತಾಕಿತ್ತು. ತಕ್ಷಣವೇ ಆಕೆಯನ್ನು ವೈದ್ಯಕೀಯ ತಂಡ ಮೈದಾನದಿಂದ ಹೊರಗೆ ಕರೆದುಕೊಂಡು ಹೋಗಿತ್ತು. ಅಲ್ಲಿಗೆ ಪಾಕ್ ಕ್ರಿಕೆಟಿಗನ ಡೇಟಿಂಗ್ ಕನಸೂ ಭಗ್ನವಾಗಿತ್ತಂತೆ!