ನಿನ್ನ ಬ್ಲಾಕ್ ಮಾಡ್ತೀನಿ! ಯಜುವೇಂದ್ರ ಚಾಹಲ್ ಗೆ ಎಚ್ಚರಿಕೆ ಕೊಟ್ಟ ಕ್ರಿಸ್ ಗೇಲ್!

ಮುಂಬೈ: ಯಜುವೇಂದ್ರ ಚಾಹಲ್ ಸಾಮಾಜಿಕ ಜಾಲತಾಣದಲ್ಲಿ ಫನ್ನಿ ವಿಡಿಯೋ, ಸಂದೇಶಗಳ ಮೂಲಕ ಸಹ ಕ್ರಿಕೆಟಿಗರನ್ನು ಕಿಚಾಯಿಸುತ್ತಲೇ ಇರುತ್ತಾರೆ. ಇದೀಗ ಅವರಿಗೆ ವಿಂಡೀಸ್ ದೈತ್ಯ ಕ್ರಿಸ್ ಗೇಲ್ ಎಚ್ಚರಿಕೆ ನೀಡಿದ್ದಾರೆ!

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಐಪಿಎಲ್ ವೇಳೆ ಜತೆಯಾಗಿ ಆಡಿರುವ ಗೇಲ್ ಮತ್ತು ಚಾಹಲ್ ಉತ್ತಮ ಗೆಳೆಯರು. ಆದರೆ ಚಾಹಲ್ ಮಾಡುವ ಕೆಲವೊಂದು ಸೋಷಿಯಲ್ ಮೀಡಿಯಾ ಮೆಸೇಜ್ ಗಳು ಗೇಲ್ ಗೆ ಕಿರಿ ಕಿರಿಯಾಗುತ್ತಿದೆಯಂತೆ. ಹಾಗಾಗಿ ನಿನ್ನನ್ನು ಬ್ಲಾಕ್ ಮಾಡ್ತೀನಿ. ಇನ್ನು ಮುಂದೆ ನನ್ನ ಕಣ್ಣ ಮುಂದೆ ಕಾಣಿಸಿಕೊಳ್ಳಬೇಡ ಎಂದು ಎಚ್ಚರಿಕೆ ಕೊಟ್ಟಿದ್ದಾರೆ!

ಆದರೆ ಇದೆಲ್ಲವೂ ತಮಾಷೆಗಾಗಿ. ಸದಾ ಇನ್ನೊಬ್ಬರ ಕಾಲೆಳೆಯುವ ಚಾಹಲ್ ಗೆ ಗೇಲ್ ಈ ರೀತಿಯಾಗಿ ಟ್ರೋಲ್ ಮಾಡಿದ್ದಾರಷ್ಟೇ.