ಮುಂಬೈ: ಟಿ20 ವಿಶ್ವಕಪ್ ಗೆ ಟೀಂ ಇಂಡಿಯಾ ಪ್ರಕಟಗೊಂಡಿದ್ದು, ಜಸ್ಪ್ರೀತ್ ಬುಮ್ರಾ ಕಮ್ ಬ್ಯಾಕ್ ಮಾಡಿದ್ದಾರೆ. ಆದರೆ ಮೊಹಮ್ಮದ್ ಶಮಿಯನ್ನು ಮೀಸಲು ಆಟಗಾರನ ಲಿಸ್ಟ್ ನಲ್ಲಿಟ್ಟಿರುವುದು ಅಭಿಮಾನಿಗಳಿಗೆ ಅಚ್ಚರಿ ತಂದಿದೆ.
ಆಸ್ಟ್ರೇಲಿಯಾ ಪಿಚ್ ಗಳು ವೇಗಿಗಳಿಗೆ ಸಹಕಾರಿಯಾಗಿರುವುದರಿಂದ ತಂಡಕ್ಕೆ ಪ್ರಮುಖ ಬೌಲರ್ ಗಳಾದ ಜಸ್ಪ್ರೀತ್ ಬುಮ್ರಾ ಜೊತೆಗೆ ಮೊಹಮ್ಮದ್ ಶಮಿ ಕೂಡಾ ಇದ್ದಿದ್ದರೆ ಟೀಂ ಇಂಡಿಯಾ ಬೌಲಿಂಗ್ ಮತ್ತಷ್ಟು ಪ್ರಬಲವಾಗುತ್ತಿತ್ತು.
ಶಮಿ ಫಿಟ್ ಆಗಿದ್ದರೂ ಏಷ್ಯಾ ಕಪ್ ಗೆ ಆಯ್ಕೆಯಾಗಿರಲಿಲ್ಲ. ಈಗ ಅವರನ್ನು ಕಡೆಗಣಿಸಿ ಯುವ ವೇಗಿ ಹರ್ಷಲ್ ಪಟೇಲ್ ಗೆ ಅವಕಾಶ ನೀಡಲಾಗಿದೆ. ಹಾಗಿದ್ದರೂ ಏಷ್ಯಾ ಕಪ್ ಗೆ ಆಯ್ಕೆ ಮಾಡಿದಷ್ಟು ದುರ್ಬಲ ಬೌಲಿಂಗ್ ಪಡೆ ಇಲ್ಲ ಎನ್ನುವುದೇ ಸಮಾಧಾನ.
