ಭಾರತ-ಇಂಗ್ಲೆಂಡ್ ಟೆಸ್ಟ್: ಮೊದಲ ದಿನವೇ ಮಳೆಯಾಟವಾಗುತ್ತಾ?

ಲಾರ್ಡ್ಸ್: ಟೀಂ ಇಂಡಿಯಾ ಇಂಗ್ಲೆಂಡ್ ಗೆ ಕಾಲಿಟ್ಟಾಗಿನಿಂದ ಅಭಿಮಾನಿಗಳಿಗೆ ಮಳೆಯೇ ನಿರಾಸೆ ಮಾಡುತ್ತಿದೆ. ಮೊದಲ ಟೆಸ್ಟ್ ನಲ್ಲಿ ಭಾರತ ಗೆಲ್ಲಬೇಕಾಗಿದ್ದ ಸಂದರ್ಭದಲ್ಲೇ ಮಳೆ ಸುರಿದಿತ್ತು.

ಇದೀಗ ಎರಡನೇ ಟೆಸ್ಟ್ ನಲ್ಲೂ ಮಳೆ ಬರುವ ಸಾಧ‍್ಯತೆ ಇದೆಯೇ? ಮೊದಲ ದಿನದ ಹವಾಮಾನ ವರದಿ ಹೇಗಿದೆ ಎಂದು ನೋಡೋಣ.

ಹವಾಮಾನ ವರದಿ ಪ್ರಕಾರ ಇಂದಿನ ದಿನ ಬೆಳಿಗ್ಗೆ 11 ಗಂಟೆಯಿಂದ ಸಂಜೆ 7 ಗಂಟೆಯವರೆಗೂ 20 ರಿಂದ 23 ಡಿಗ್ರಿ ಸೆಲ್ಶಿಯಸ್ ತಾಪಮಾನವಿರಲಿದ್ದು, ಮಳೆ ಬರುವ ಸಾಧ್ಯತೆ ತೀರಾ ಕಡಿಮೆ. ಹೀಗಾಗಿ ಮೊದಲ ದಿನ ಸಂಪೂರ್ಣ ಓವರ್ ಆಡಬಹುದು. ಉಳಿದ ದಿನಗಳಲ್ಲೂ ತಾಪಮಾನ ಇದೇ ರೀತಿ ಮುಂದುವರಿಯುವ ಸಾಧ್ಯತೆಯಿದ್ದು, ಈ ಟೆಸ್ಟ್ ಗೆ ಮಳೆ ಕಾಟ ಸಂಭವ ಕಡಿಮೆ ಎಂದು ವರದಿ ಹೇಳುತ್ತಿವೆ.