ಲಂಡನ್: ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಮುದ್ದಿನ ಪತಿ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಐದು ವರ್ಷಗಳ ಹಿಂದೆ ಇಂಗ್ಲೆಂಡ್ ನ ಸ್ಟಾರ್ ಆಟಗಾರ್ತಿಯೊಬ್ಬರ ಹಿಂದೆ ಬಿದ್ದಿದ್ದರಂತೆ!
ಇಂಗ್ಲೆಂಡ್ ಮಹಿಳಾ ಕ್ರಿಕೆಟ್ ತಂಡದ ಸ್ಟಾರ್ ಆಟಗಾರ್ತಿ ಸಾರಾ ಟೇಲರ್ ರನ್ನು ಭೇಟಿ ಮಾಡಲು ಕೊಹ್ಲಿ ಭಾರೀ ಕಾತುರರಾಗಿದ್ದರಂತೆ. ಹಾಗಂತ ಇಂಗ್ಲೆಂಡ್ ಮಹಿಳಾ ಆಟಗಾರ್ತಿ ಕೇಟ್ ರೋಸ್ ಬಹಿರಂಗಪಡಿಸಿದ್ದಾರೆ.
ಐದುವರ್ಷದ ಹಿಂದಿನ ಘಟನೆಯೊಂದನ್ನು ನೆನಪಿಸುವ ಅಭಿಯಾನದಲ್ಲಿ ಕೇಟ್ ಸಾರಾಗೆ ಟ್ವೀಟ್ ಮಾಡಿದ್ದು, ನಿನಗೆ ನೆನಪಿದೆಯಾ ಐದು ವರ್ಷದ ಹಿಂದೆ ವಿರಾಟ್ ಕೊಹ್ಲಿ ನಿನ್ನನ್ನು ಭೇಟಿ ಮಾಡಲು ಹಾತೊರೆದಿದ್ದರು ಎಂದು ಬರೆದುಕೊಂಡಿದ್ದಾರೆ. ಇದಕ್ಕೆ ತಮಾಷೆಯಾಗಿ ಪ್ರತಿಕ್ರಿಯಿಸಿರುವ ಸಾರಾ ಅಬ್ಬಾ ಬೆಳ್ಳಂ ಬೆಳಿಗ್ಗೆಯೇ ಮುಜುಗರ ತರುವ ವಿಚಾರವೊಂದನ್ನು ಕೇಳುತ್ತಾ ಎದ್ದೆ ಎಂದಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ