ಮಗಳನ್ನು ಮನೆಗೆ ಬಿಡ್ಬೇಕು, ಬಿಟ್ಬಿಡಿ: ಸುಸ್ತಾದ ಕೊಹ್ಲಿ ಕೋಪಗೊಂಡಿದ್ದೇಕೆ?

ಮುಂಬೈ: ನೆದರ್ಲ್ಯಾಂಡ್ಸ್ ವಿರುದ್ಧ ಬೆಂಗಳೂರಿನಲ್ಲಿ ಪಂದ್ಯ ಮುಗಿಸಿ ಟೀಂ ಇಂಡಿಯಾ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಮುಂಬೈಗೆ ಮರಳಿದ್ದಾರೆ. ಆದರೆ ಮಗಳ ಜೊತೆ ಕೊಹ್ಲಿ ಮಾತ್ರ ಮುಂಬೈಗೆ ತೆರಳಿದ್ದಾರೆ.

ಅನುಷ್ಕಾ ಶರ್ಮಾ ಕೂಡಾ ಬೆಂಗಳೂರಿನಲ್ಲಿ ಟೀಂ ಇಂಡಿಯಾ ಪಂದ್ಯ ವೀಕ್ಷಿಸಲು ಬಂದಿದ್ದರು. ಆದರೆ ಮುಂಬೈಗೆ ಕೊಹ್ಲಿ ಜೊತೆ ಅನುಷ್ಕಾ ತೆರಳಿರಲಿಲ್ಲ. ಆದರೆ ಮುಂಬೈ ವಿಮಾನ ನಿಲ್ದಾಣದಲ್ಲಿ ಕೊಹ್ಲಿ ಮಗಳ ಜೊತೆ ಕಾರು ಏರುತ್ತಿದ್ದಂತೇ ಪಪ್ಪಾರಾಜಿಗಳು ಅವರ ಕಾರಿಗೇ ಮುತ್ತಿಗೆ ಹಾಕಿದ್ದರು. ಇದು ಕೊಹ್ಲಿಗೆ ಕೋಪ ತರಿಸಿತ್ತು.

ತಾಳ್ಮೆ ಕಳೆದುಕೊಂಡ ಕೊಹ್ಲಿ, ‘ಬೆಳ್ಳಂ ಬೆಳಿಗ್ಗೇ ಎದ್ದು ಬಂದಿದ್ದೇನೆ ಪ್ಲೀಸ್’ ಎಂದಿದ್ದಾರೆ. ಅಭಿಮಾನಿಯೊಬ್ಬರು ಕಾರಿನ ಸಮೀಪ ಬಂದಾಗ ‘ಮ್ಯಾಮ್ ಪ್ಲೀಸ್, ಮಗಳು ಒಳಗಿದ್ದಾಳೆ.’ ಎಂದಿದ್ದಾರೆ. ಇದು ಇಷ್ಟಕ್ಕೇ ಮುಗಿಯಲಿಲ್ಲ. ಪಪ್ಪಾರಾಜಿಯೊಬ್ಬರು ಫೋಟೋಗೆ ಪೋಸ್ ಕೊಡಲು ಕೇಳಿದಾಗ ತಾಳ್ಮೆ ಕಳೆದುಕೊಂಡ ಕೊಹ್ಲಿ, ‘ಅರೇ… ಮಗಳನ್ನು ಮನೆಗೆ ಬಿಟ್ಟು ಬರಬೇಕಿದೆಯಪ್ಪಾ.. ಪ್ಲೀಸ್ ಬಿಡಿ’ ಎಂದು ಫೋಟೋಗೆ ಪೋಸ್ ಕೊಡಲು ನಿರಾಕರಿಸಿದ್ದಾರೆ.