ಮಗಳು ವಮಿಕಾ ಜೊತೆ ಲಂಡನ್ ಕೆಫೆಯಲ್ಲಿ ವಿರಾಟ್ ಕೊಹ್ಲಿ ಫೋಟೋ ವೈರಲ್

Photo Courtesy: Twitter

ಲಂಡನ್: ಪತ್ನಿ ಅನುಷ್ಕಾ ಶರ್ಮಾ ಎರಡನೇ ಮಗುವಿಗೆ ಜನ್ಮ ನೀಡಿದ ಬಳಿಕ ಇದೇ ಮೊದಲ ಬಾರಿಗೆ ವಿರಾಟ್‍ ಕೊಹ್ಲಿ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದಾರೆ.

ಕೊಹ್ಲಿ ದಂಪತಿಗೆ ಇತ್ತೀಚೆಗೆ ತಮಗೆ ಗಂಡು ಮಗುವಾಗಿರುವ ವಿಚಾರವನ್ನು ಸೋಷಿಯಲ್ ಮೀಡಿಯಾದಲ್ಲಿ ಪ್ರಕಟಿಸಿದ್ದರು. ಇದು ಅಭಿಮಾನಿಗಳಲ್ಲಿ ಭಾರೀ ಸಂಭ್ರಮ ಉಂಟು ಮಾಡಿತ್ತು. ಕೊಹ್ಲಿ ದಂಪತಿ ತಮ್ಮ ಮಗನಿಗೆ ಅಕಾಯ್ ಎಂದು ಹೆಸರಿಟ್ಟಿದ್ದರು. ಇದರ ಬೆನ್ನಲ್ಲೇ ಅಕಾಯ್ ನ ಎಐ ಜನರೇಟೆಡ್ ಚಿತ್ರಗಳು, ಸೋಷಿಯಲ್ ಮೀಡಿಯಾ ಖಾತೆಗಳೂ ಸೃಷ್ಟಿಯಾಗಿದ್ದವು.

ಸದ್ಯಕ್ಕೆ ಪತ್ನಿ, ಮಕ್ಕಳ ಜೊತೆ ಲಂಡನ್ ನಲ್ಲಿರುವ ವಿರಾಟ್ ಕೊಹ್ಲಿ ಕ್ರಿಕೆಟ್ ನಿಂದ ಸಂಪೂರ್ಣವಾಗಿ ದೂರವಿದ್ದಾರೆ. ಅಲ್ಲದೆ, ಹಲವು ದಿನಗಳಿಂದ ಸಾರ್ವಜನಿಕವಾಗಿ ಕೊಹ್ಲಿ ಎಲ್ಲೂ ಕಾಣಿಸಿಕೊಂಡಿರಲಿಲ್ಲ. ಆದರೆ ಎರಡನೇ ಮಗನ ಆಗಮನದ ಬಳಿಕ ಇದೇ ಮೊದಲ ಬಾರಿಗೆ ಕೊಹ್ಲಿ ಮತ್ತು ಪುತ್ರಿ ವಮಿಕಾ ಫೋಟೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಲಂಡನ್ ನ ಕೆಫೆಯೊಂದರಲ್ಲಿ ಮಗಳು ವಮಿಕಾ ಜೊತೆ ಕುಳಿತು ತಿಂಡಿ ಸವಿಯುತ್ತಿರುವ ಕೊಹ್ಲಿ ಫೋಟೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಅನುಷ್ಕಾ ಜೊತೆಗಿರಲು ಕೊಹ್ಲಿ ಈಗ ಲಂಡನ್ ನಲ್ಲಿದ್ದಾರೆ. ಎರಡನೇ ಮಗುವಿನ ಆಗಮನದಿಂದಾಗಿ ಕೊಹ್ಲಿ ಜವಾಬ್ಧಾರಿ ಹೆಚ್ಚಾಗಿದ್ದು ಮಗಳನ್ನು ನೋಡಕೊಳ್ಳುವ ಸಂಪೂರ್ಣ ಹೊಣೆ ಅವರ ಹೆಗಲಿಗೇರಿದೆ. ಹೀಗಾಗಿ ಕಿಂಗ್ ಕೊಹ್ಲಿ ಕ್ರಿಕೆಟ್ ನಿಂದ ದೂರವಾಗಿ ಮಗಳನ್ನು ನೋಡಕೊಳ್ಳುವ ಬೇಬಿ ಸಿಟ್ಟರ್ ಆಗಿದ್ದಾರೆ.