Publish Date: Sat, 03 Jan 2026 (09:39 IST)
Updated Date: Sat, 03 Jan 2026 (09:42 IST)
ಗಲ್ಲಿ ಕ್ರಿಕೆಟ್ ನಲ್ಲಿ ಅದೆಂತಾ ಅದ್ಭುತ ಪ್ರತಿಭೆಗಳಿರುತ್ತಾರೆ ಎಂಬುದಕ್ಕೆ ಹಲವು ಉದಾಹರಣೆಗಳನ್ನು ನೋಡಿದ್ದೇವೆ. ಅದೇ ರೀತಿ ಇಲ್ಲೊಬ್ಬ ಪುಟ್ಟ ಪೋರ ಥೇಟ್ ಬ್ರೆಟ್ ಲೀಯಂತೆ ಬೌಲಿಂಗ್ ಮಾಡಿ ಗಮನ ಸೆಳೆದಿದ್ದಾನೆ.
ಭಾರತದ ಗಲ್ಲಿಯೊಂದರಲ್ಲಿ ಗೆಳೆಯರೊಂದಿಗೆ ಗಲ್ಲಿ ಕ್ರಿಕೆಟ್ ಆಡುವ ಪುಟ್ಟ ಬಾಲಕನೊಬ್ಬ ಬೌಲಿಂಗ್ ಮಾಡುವ ಶೈಲಿ ಈಗ ಸೋಷಿಯಲ್ ಮೀಡಿಯಾದಲ್ಲಿ ಎಲ್ಲರ ಗಮನ ಸೆಳೆಯುತ್ತಿದೆ. ಇದಕ್ಕೆ ಕಾರಣವೂ ಇದೆ.
90-2000 ರ ದಶಕದಲ್ಲಿ ಆಸ್ಟ್ರೇಲಿಯಾದಲ್ಲಿದ್ದ ಬ್ರೆಟ್ ಲೀ ಎಂಬ ವೇಗಿಯನ್ನು ಎಲ್ಲರಿಗೂ ಗೊತ್ತಿರುತ್ತದೆ. ಅವರ ರನ್ ಅಪ್ ವಿಶೇಷವಾಗಿತ್ತು. ಇದೀಗ ಈ ಪುಟ್ಟ ಪೋರನ ಬೌಲಿಂಗ್ ರನ್ ಅಪ್ ಶೈಲಿಯೂ ಥೇಟ್ ಬ್ರೆಟ್ ಲೀಯನ್ನೇ ನೆನಪಿಸುವಂತಿದೆ.
ಮೂರ್ತಿ ಚಿಕ್ಕದಾದರೂ ಈತ ಬಹುದೂರದಿಂದ ಬಂದು ಪಕ್ಕಾ ಪ್ರೊಫೆಷನಲ್ ಬೌಲರ್ ನಂತೆ ಬಾಲ್ ಎಸೆಯುವುದನ್ನು ನೋಡಿದರೆ ಸರಿಯಾಗಿ ತರಬೇತಿ ಕೊಟ್ಟರೆ ಈತ ಉತ್ತಮ ಬೌಲರ್ ಆಗಬಹುದು ಎಂಬ ಭರವಸೆ ಮೂಡಿಸುತ್ತಾನೆ. ಈ ವಿಡಿಯೋ ತಪ್ಪದೇ ನೋಡಿ.