Publish Date: Tue, 14 Apr 2026 (10:25 IST)
Updated Date: Tue, 14 Apr 2026 (10:28 IST)
ಹೈದರಾಬಾದ್: ಐಪಿಎಲ್ 2026 ರಲ್ಲಿ ನಿನ್ನೆ ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ ಗೋಲ್ಡನ್ ಡಕ್ ಔಟಾಗಿದ್ದ ವೈಭವ್ ಸೂರ್ಯವಂಶಿ ಕ್ಯಾಮರಾ ಕಡೆ ನೋಡುತ್ತಾ ಮಾಡಿದ ಮುಖಭಾವ ಎಲ್ಲರ ಗಮನ ಸೆಳೆದಿದೆ.
ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ ನಿನ್ನೆ ನಡೆದ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ 57 ರನ್ ಗಳ ಸೋಲು ಅನುಭವಿಸಿದೆ. ಈ ಕೂಟದಲ್ಲಿ ಇದೇ ಮೊದಲ ಸೋಲು ಇದಾಗಿತ್ತು. ವಿಶೇಷವೆಂದರೆ ಹೈದರಾಬಾದ್ ಪರ ಪದಾರ್ಪಣೆ ಮಾಡಿದ ಪ್ರಫುಲ್ ಹಿಂಗೆ ಮೊದಲ ಓವರ್ ನಲ್ಲೇ ಮೂವರನ್ನು ಡಕೌಟ್ ಮಾಡಿ ದಾಖಲೆ ಮಾಡಿದರು.
ಡಕೌಟ್ ಆದ ನಿರಾಸೆಯಲ್ಲಿ ವೈಭವ್ ಸೂರ್ಯವಂಶಿ ಡಗೌಟ್ ನಲ್ಲಿ ತಮ್ಮ ಸಹ ಆಟಗಾರರೊಂದಿಗೆ ಮಂಕಾಗಿ ಕುಳಿತಿದ್ದರು. ಸದಾ ಹೊಡೆಬಡಿಯ ಆಟವಾಡುವ ವೈಭವ್ ನಿನ್ನೆ ಖಾತೆ ಕೂಡಾ ತೆರೆಯಲು ಸಾಧ್ಯವಾಗಿರಲಿಲ್ಲ ಎನ್ನುವುದು ಅವರನ್ನು ಕಾಡುತ್ತಿತ್ತು.
ಈ ವೇಳೆ ಕ್ಯಾಮರಾ ಮ್ಯಾನ್ ಅವರ ಕಡೆಗೆ ಫೋಕಸ್ ಮಾಡಿದಾಗ ಚಿಕ್ಕಮಕ್ಕಳಂತೆ ನಾಲಿಗೆ ಹೊರ ಹಾಕಿ ಛೇಡಿಸಿದ್ದಾರೆ. ಈ ವಿಡಿಯೋಗೆ ನೆಟ್ಟಿಗರು ಕಾಮೆಂಟ್ ಮಾಡಿದ್ದು ಬಹುಶಃ ಪ್ರಫುಲ್ ಹಿಂಗೆಗೆ ವೈಭವ್ ಈ ರೀತಿ ಮಾಡಿರಬೇಕು ಎಂದು ಕಾಲೆಳೆದಿದ್ದಾರೆ.
About Writter
ಕೃಷ್ಣವೇಣಿ ಕೆ
Completed bachelor degree in Journalism and communication in SDMC Ujire. 15 years of experience as journalist. Worked as sub editor and reporter. Specialties in sports, politics and entertainment.....
