ದ.ಆಫ್ರಿಕಾ ವಿರುದ್ಧ ಗೆಲುವಿಗೆ ಟೀಂ ಇಂಡಿಯಾಗೆ ಮಳೆ ಆತಂಕ

ಸೆಂಚೂರಿಯನ್: ಭಾರತ ಮತ್ತು ದ.ಆಫ್ರಿಕಾ ನಡುವೆ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾ ಗೆಲುವಿನ ಹಾದಿಯಲ್ಲಿದ್ದು, ಜೊತೆಗೆ ಮಳೆಯ ಭೀತಿಯೂ ಎದರಿಸುತ್ತಿದೆ.

ಮೊದಲ ಟೆಸ್ಟ್ ಗೆಲ್ಲಲು 305 ರನ್ ಗಳ ಗುರಿ ನೀಡಿದ್ದ ಭಾರತ ಈಗಾಗಲೇ ಆಫ್ರಿಕನ್ನರ ದ್ವಿತೀಯ ಇನಿಂಗ್ಸ್ ನಲ್ಲಿ 4 ವಿಕೆಟ್ ಉಡಾಯಿಸಿದೆ. ಆಫ್ರಿಕಾ 94 ರನ್ ಗಳಿಸಿದೆ. ಇನ್ನೂ ಗೆಲುವಿಗೆ 211 ರನ್ ಬೇಕಾಗಿದೆ.

ಆದರೆ ಇಂದು ಪಂದ್ಯದ ಅಂತಿಮ ದಿನವಾಗಿದ್ದು, ಮಳೆ ಅಡ್ಡಿಯಾದರೆ ಪಂದ್ಯದ ಫಲಿತಾಂಶಕ್ಕೆ ಮುಳುವಾಗಬಹುದು. ಮಳೆ ಬಾರದೇ ಹೋದರೆ ಟೀಂ ಇಂಡಿಯಾ ಗೆಲುವು ಸಾಧಿಸಬಹುದು. ಹೀಗಾಗಿ ಸೋಲು-ಗೆಲುವಿನ ನಡುವೆ ವರುಣ ಗೋಡೆಯಾಗಿ ನಿಂತಿದ್ದಾನೆ.