ಸರಣಿ ಸೋಲಿನ ಬೆನ್ನಲ್ಲೇ ದ.ಆಫ್ರಿಕಾಗೆ ಈ ರೀತಿಯೂ ಬರೆ ಹಾಕಿದ ಟೀಂ ಇಂಡಿಯಾ!

ಪೋರ್ಟ್ ಎಲಿಜಬೆತ್: ಭಾರತ ವಿರುದ್ಧ ಸರಣಿ ಸೋಲಿನ ಬೆನ್ನಲ್ಲೇ ದ.ಆಫ್ರಿಕಾಗೆ ಮತ್ತೊಂದು ಆಘಾತ ಸಿಕ್ಕಿದೆ. ಸರಣಿ ಗೆಲುವಿನೊಂದಿಗೆ ಟೀಂ ಇಂಡಿಯಾ ದ.ಆಫ್ರಿಕಾದಿಂದ ಏಕದಿನ ನಂ.1 ಪಟ್ಟ ಕಸಿದುಕೊಂಡಿದ್ದು ಅಗ್ರ ಸ್ಥಾನಕ್ಕೇರಿದೆ.

ಎರಡನೇ ಸ್ಥಾನದಲ್ಲಿ ಭಾರತ ಒಂದನೇ ಸ್ಥಾನದಲ್ಲಿದ್ದ ದ.ಆಫ್ರಿಕಾ ತಂಡವನ್ನು ಸರಣಿ ಗೆಲುವಿನೊಂದಿಗೆ ಹಿಂದಿಕ್ಕಿ ಐಸಿಸಿ ಏಕದಿನ ರ್ಯಾಂಕಿಂಗ್ ಪಟ್ಟಿಯಲ್ಲಿ ತಾನೇ ನಂ.1 ಆಗಿ ಹೊರಹೊಮ್ಮಿದೆ.

ಇದೀಗ ಭಾರತ ಟೆಸ್ಟ್ ಮತ್ತು ಏಕದಿನ ಎರಡೂ ಮಾದರಿಯಲ್ಲೂ ನಂ.1 ಎನಿಸಿಕೊಂಡಿದೆ. ಭಾರತ ಈ ಸರಣಿ ಗೆಲುವಿನೊಂದಿಗೆ 122 ಅಂಕ ಪಡೆದಿದೆ. ಅತ್ತ ದ.ಆಫ್ರಿಕಾ 122 ಅಂಕಗಳಿಂದ 118 ಅಂಕಕ್ಕೆ ಕುಸಿತ ಕಂಡಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ