ಚಿನ್ನಸ್ವಾಮಿಯಲ್ಲಿ ಕುಂಟುತ್ತಾ ಸಾಗಿದ ಟೀಂ ಇಂಡಿಯಾ ಬ್ಯಾಟಿಂಗ್

ಬೆಂಗಳೂರು: ಶ್ರೀಲಂಕಾ ವಿರುದ್ಧ ಬೆಂಗಳೂರಿನ ಚಿನ್ನಸ್ವಾಮಿ ಅಂಗಣದಲ್ಲಿ ನಡೆಯುತ್ತಿರುವ ಟೆಸ್ಟ್ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡುತ್ತಿರುವ ಟೀಂ ಇಂಡಿಯಾ ರನ್ ಗಳಿಸಲು ಪರದಾಡುತ್ತಿದೆ.

ಇತ್ತೀಚೆಗಿನ ವರದಿ ಬಂದಾಗ 6 ವಿಕೆಟ್ ಕಳೆದುಕೊಂಡು 163 ರನ್ ಗಳಿಸಿದೆ. ಶ್ರೇಯಸ್ ಅಯ್ಯರ್ 32, ರವಿಚಂದ್ರನ್ ಅಶ್ವಿನ್ 4 ರನ್ ಗಳಿಸಿ ಕ್ರೀಸ್ ನಲ್ಲಿದ್ದಾರೆ.

ಆರಂಭಿಕ, ಬೆಂಗಳೂರು ಹುಡುಗ ಮಯಾಂಕ್ ಅಗರ್ವಾಲ್ 4 ಕ್ಕೇ ರನೌಟ್ ಆದರು. ರೋಹಿತ್ ಶರ್ಮಾ ಕೆಲ ಹೊತ್ತು ಬ್ಯಾಟಿಂಗ್ ನಡೆಸಿದರಾದರೂ ಬಂದಿದ್ದು 15 ರನ್. ಹನುಮ ವಿಹಾರಿ ನಿಂತು ಆಡುವ ಸೂಚನೆ ನೀಡಿದರೂ ಅವರ ಇನಿಂಗ್ಸ್ 31 ರನ್ ಗೆ ಕೊನೆಯಾಯಿತು.