ಮತ್ತೆ ಕೂಡಿಕೊಂಡ ಧೋನಿ-ಸುರೇಶ್ ರೈನಾ: ಸಿಎಸ್ ಕೆ ಕ್ಯಾಂಪ್ ನಲ್ಲಿ ಹಬ್ಬವೋ ಹಬ್ಬ

ಚೆನ್ನೈ: ಹಲವು ದಿನಗಳ ನಂತರ ಕ್ರಿಕೆಟ್ ಅಭ್ಯಾಸಕ್ಕಿಳಿದ ಧೋನಿಗೆ ನಿನ್ನೆಯೇ ಅಭಿಮಾನಿಗಳು ಭರ್ಜರಿ ಸ್ವಾಗತವನ್ನೇ ನೀಡಿದ್ದರು. ಇದೀಗ ಚೆನ್ನೈ ಸೂಪರ್ ಕಿಂಗ್ಸ್ ಪಾಳಯದಲ್ಲಿ ಇಬ್ಬರು ಗೆಳೆಯರ ಸಂಗಮವಾಗಿದೆ.

ಸಿಎಸ್ ಕೆ ಈಗಾಗಲೇ ಈ ವರ್ಷದ ಐಪಿಎಲ್ ಗೆ ಅಭ್ಯಾಸ ಶುರು ಮಾಡಿದೆ. ಇದಕ್ಕಾಗಿ ಧೋನಿ ಮತ್ತು ತಂಡದ ಆಟಗಾರರು ಈಗಾಗಲೇ ಚೆನ್ನೈನಲ್ಲಿ ಬೀಡುಬಿಟ್ಟಿದ್ದಾರೆ. ಇದೀಗ ಧೋನಿ ದೋಸ್ತ್ ಸುರೇಶ್ ರೈನಾ ಕೂಡಾ ತಂಡವನ್ನು ಕೂಡಿಕೊಂಡಿದ್ದಾರೆ.

ಈ ಇಬ್ಬರೂ ಗೆಳೆಯರು ಜತೆ ಸೇರಿರುವುದನ್ನು ಸಿಎಸ್ ಕೆ ಟ್ವೀಟ್ ಮಾಡಿದೆ. ಇದನ್ನು ನೋಡಿರುವ ಅಭಿಮಾನಿಗಳು ಇಬ್ಬರು ದಿಗ್ಗಜರು ಜತೆಯಾಗಿದ್ದಾರೆ ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೆ ಕೆಲವರು ಸಿಂಹ-ಮರಿ ಸಿಂಹ ಜತೆಯಾಗಿದೆ ಎಂದು ಬಣ್ಣಿಸಿದ್ದಾರೆ.