ಮುಂಬೈ: ಕೊರೋನಾ ಒಂದು ಹಂತಕ್ಕೆ ಬಂದ ಮೇಲೆ ಭಾರತದಲ್ಲಿ ಐಪಿಎಲ್ ನಡೆಯಬಹುದು ಎಂದು ನಿರೀಕ್ಷೆಯಲ್ಲಿದ್ದ ಅಭಿಮಾನಿಗಳಿಗೆ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ನಿರಾಸೆಯುಂಟುಮಾಡುವ ವಿಚಾರ ಹೇಳಿದ್ದಾರೆ.
ಸದ್ಯದ ಪರಿಸ್ಥಿತಿ ಗಮನಿಸಿದರೆ ಈ ವರ್ಷದ ಅಂತ್ಯದವರೆಗೂ ಭಾರತದಲ್ಲಿ ಐಪಿಎಲ್ ನಡೆಸುವುದು ಕಷ್ಟ ಎಂದು ಗಂಗೂಲಿ ಸ್ಪಷ್ಟವಾಗಿ ಹೇಳಿದ್ದಾರೆ.
ಕ್ರಿಕೆಟಿಗ ಮಯಾಂಕ್ ಅಗರ್ವಾಲ್ ಜತೆಗಿನ ಚ್ಯಾಟ್ ಶೋನಲ್ಲಿ ಗಂಗೂಲಿ ಐಪಿಎಲ್ ಬಗ್ಗೆ ಈ ಹೇಳಿಕೆ ನೀಡಿದ್ದಾರೆ. ‘ಮುಂದಿನ ಮೂರು-ನಾಲ್ಕು ತಿಂಗಳು ತುಂಬಾ ತ್ರಾಸದಾಯಕವಾಗಿರಲಿದೆ. ಆದರೆ ಅದನ್ನು ಎದುರಿಸಲೇಬೇಕಿದೆ. ಆದಷ್ಟು ಬೇಗ ಕೊರೋನಾಗೆ ವ್ಯಾಕ್ಸಿನ್ ಬರಲಿ ಎಂದು ಹಾರೈಸುವೆ’ ಎಂದು ಗಂಗೂಲಿ ಹೇಳಿದ್ದಾರೆ.
