ಕ್ರಿಕೆಟ್ ಸುಂದರಿ ಸ್ಮೃತಿ ಮಂಧಾನ ಮದುವೆ ಕಾರ್ಡ್ ಫೋಟೋ ವೈರಲ್

ಮುಂಬೈ: ಭಾರತ ಮಹಿಳಾ ಕ್ರಿಕೆಟ್ ತಂಡದ ಸುಂದರಿ, ಬ್ಯಾಟರ್ ಸ್ಮೃತಿ ಮಂಧಾನ ಮದುವೆ ಆಹ್ವಾನ ಪತ್ರಿಕೆ ಫೋಟೋಗಳು ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಸ್ಮೃತಿ ಮಂಧಾನ ಮತ್ತು ಗಾಯಕ ಪಾಲಾಶ್ ಮುಚ್ಚಲ್ ಹಲವು ಸಮಯದಿಂದ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬುದು ಈಗ ಗುಟ್ಟಾಗೇನೂ ಉಳಿದಿಲ್ಲ. ಇದೀಗ ಭಾರತ ಮಹಿಳಾ ಕ್ರಿಕೆಟ್ ತಂಡ ಏಕದಿನ ವಿಶ್ವಕಪ್ ಗೆದ್ದ ಬೆನ್ನಲ್ಲೇ ಸ್ಮೃತಿ ಮದುವೆ ವಿಚಾರ ವೈರಲ್ ಆಗಿತ್ತು.

ಮೂಲಗಳ ಪ್ರಕಾರ ಕುಟುಂಬಸ್ಥರ ಸಮ್ಮುಖದಲ್ಲಿ ಈ ಜೋಡಿ ನವಂಬರ್ 20 ರಂದು ಮದುವೆಯಾಗಲಿದೆ. ಇದಕ್ಕಾಗಿ ಎರಡೂ ಕುಟುಂಬದಲ್ಲಿ ತಯಾರಿ ನಡೆದಿದೆಯಂತೆ. ಇದರ ನಡುವೆ ಸ್ಮೃತಿ ಮತ್ತು ಪಾಲಾಶ್ ಮದುವೆ ಆಹ್ವಾನ ಪತ್ರಿಕೆ ಫೋಟೋಗಳು ವೈರಲ್ ಆಗಿವೆ.

ಅಲ್ಲಿಗೆ ಈ ಇಬ್ಬರೂ ಸದ್ಯದಲ್ಲೇ ಮದುವೆಯಾಗುತ್ತಿರುವುದು ಕನ್ ಫರ್ಮ್ ಆದಂತಾಗಿದೆ. ಇದಕ್ಕೆ ಪುಷ್ಠಿ ನೀಡುವಂತೆ ಕೆಲವು ಕ್ರಿಕೆಟಿಗರು ವಿದೇಶೀ ಲೀಗ್ ಕ್ರಿಕೆಟ್ ನಲ್ಲಿ ಆಡುತ್ತಿದ್ದರೆ ಸ್ಮೃತಿ ಮಾತ್ರ ಬ್ರೇಕ್ ತೆಗೆದುಕೊಂಡಿದ್ದಾರೆ.