ನ್ಯೂಜಿಲೆಂಡ್ ಗೆ ಗ್ರಿಲ್ ಮಾಡಿದ ಶುಬ್ನಂ ಗಿಲ್: ದಾಖಲಾಯ್ತು ಮತ್ತೊಂದು ಏಕದಿನ ದ್ವಿಶತಕ

Photo Courtesy: Twitter

ಹೈದರಾಬಾದ್: ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಮೊದಲ ಏಕದಿನ ಪಂದ್ಯ ಮತ್ತೊಂದು ಐತಿಹಾಸಿಕ ಕ್ಷಣಕ್ಕೆ ಸಾಕ್ಷಿಯಾಯಿತು.

ಮೊದಲು ಬ್ಯಾಟಿಂಗ್ ಮಾಡಿದ ಭಾರತ 50 ಓವರ್ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 349 ರನ್ ಗಳಿಸಿದೆ. ಇಂದಿನ ಆಟದ ಪ್ರಮುಖ ಆಕರ್ಷಣೆ ಶುಬ್ನಂ ಗಿಲ್ ದ್ವಿಶತಕ. ಏಕದಿನ ಕ್ರಿಕೆಟ್ ನಲ್ಲಿ ಭಾರತದ ಪರ ಈ ವರ್ಷದ ಆರಂಭದಲ್ಲೇ ಮತ್ತೊಂದು ದ್ವಿಶತಕ ದಾಖಲಾಯಿತು.

ಒಟ್ಟು 149 ಎಸೆತ ಎದುರಿಸಿದ ಆರಂಭಿಕ ಗಿಲ್ 49 ನೇ ಓವರ್ ವರೆಗೂ ಬ್ಯಾಟಿಂಗ್ ಮಾಡಿದ ನಾಲ್ಕು ಎಸೆತ ಬಾಕಿ ಇರುವಾಗ 208 ರನ್ ಗಳಿಸಿ ಔಟಾದರು. ಇದು ಭಾರತದ ಪರ ಏಕದಿನ ಕ್ರಿಕೆಟ್ ನಲ್ಲಿ ದಾಖಲಾದ ಐದನೇ ದ್ವಿಶತಕವಾಗಿದೆ. ಇತ್ತೀಚೆಗಷ್ಟೇ ಇಶಾನ್ ಕಿಶನ್ ಈ ಸಾಧನೆ ಮಾಡಿದ್ದರು.

ಇನ್ನು ಆರಂಭಿಕ ರೋಹಿತ್ ಶರ್ಮಾ ಉತ್ತಮ ಆರಂಭ ಪಡೆದರೂ 34 ರನ್ ಗಳಿಗೆ ವಿಕೆಟ್ ಒಪ್ಪಿಸಿದರು. ಕೊಹ್ಲಿ 8, ಇಶಾನ್ ಕಿಶನ್ 5 ರನ್ ಗೆ ಇನಿಂಗ್ಸ್ ಮುಗಿಸಿದರು. ಬಳಿಕ ಶುಬ್ನಂಗೆ ಜೊತೆಯಾದ ಸೂರ್ಯಕುಮಾರ್ ಯಾದವ್ 31 ರನ್ ಗಳಿಗೆ ಔಟಾದರೆ, ಹಾರ್ದಿಕ್ ಪಾಂಡ್ಯ 28 ರನ್ ಗಳಿಸಿದಾಗ  ವಿವಾದಾತ್ಮಕ ತೀರ್ಪಿಗೆ ಔಟಾದರು.