ಮುಂಬೈ: ಕ್ರಿಕೆಟ್ ದೇವರು ಸಚಿನ್ ತೆಂಡುಲ್ಕರ್ ತಮ್ಮ ವೃತ್ತಿ ಜೀವನ ಆರಂಭಿಸಿದ್ದೇ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನ ಕ್ರಿಕೆಟ್ ತಂಡದ ಎದುರು. ಆ ತಂಡದ ಘಟಾನುಘಟಿ ಬೌಲರ್ ಗಳ ಪೆಟ್ಟು ತಿಂದೇ ಸಚಿನ್ ಕೆರಿಯರ್ ಆರಂಭವಾಗಿತ್ತು.
ಇಂತಿಪ್ಪ ಸಚಿನ್ ಗೆ ಹಿಂದೊಮ್ಮೆ ಪಾಕ್ ನ ಖ್ಯಾತ ಮಾಜಿ ಬೌಲರ್ ವಾಸಿಂ ಅಕ್ರಂ ‘ಇಲ್ಲಿಗೆ ಬರುವ ಮೊದಲು ಅಮ್ಮನಿಗೆ ಹೇಳಿ ಬಂದಿದ್ದೀಯಾ?’ ಎಂದು ಲೇವಡಿ ಮಾಡಿದ್ದರಂತೆ. ಅದೂ ಸಚಿನ್ ಆಡಿದ ಮೊದಲ ಪಂದ್ಯದಲ್ಲೇ.
16 ವರ್ಷದ ಹುಡುಗ ನಮ್ಮ ವಿರುದ್ಧ ಆಡಲು ಬರುತ್ತಿದ್ದಾನೆಂದಾಗ ನಮಗೆ ಸಹಜ ಕುತೂಹಲವಿತ್ತು. ಆದರೆ ಸಚಿನ್ ಆಗ 14 ವರ್ಷದ ಬಾಲಕನಂತೆ ಕಾಣುತ್ತಿದ್ದರು. ಹೀಗಾಗಿ ಅವರನ್ನು ನೋಡಿ ಇಲ್ಲಿಗೆ ಬರುವ ಮೊದಲು ಮಮ್ಮಿಗೆ ಹೇಳಿ ಬಂದಿದ್ದೀಯಾ? ಎಂದು ತಮಾಷೆ ಮಾಡಿದ್ದೆ ಎಂದು ಅಕ್ರಂ ಕಾರ್ಯಕ್ರಮವೊಂದರಲ್ಲಿ ಸ್ಮರಿಸಿಕೊಂಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.