ಚೆನ್ನೈ: ನಿವೃತ್ತಿಯಾಗಿ 10 ವರ್ಷಗಳೇ ಕಳೆದರೂ ಸಚಿನ್ ತೆಂಡುಲ್ಕರ್ ಮೇಲಿರುವ ಅಭಿಮಾನಿಗಳ ಕ್ರೇಜ್ ಈಗಲೂ ಕೊಂಚವೂ ಕಡಿಮೆಯಾಗಿಲ್ಲ.
ಐಪಿಎಲ್ 2023 ರಲ್ಲಿ ಎಲಿಮಿನೇಟರ್ ಪಂದ್ಯ ಮುಂಬೈ ಇಂಡಿಯನ್ಸ್-ಲಕ್ನೋ ಸೂಪರ್ ಜೈಂಟ್ಸ್ ನಡುವೆ ಪಂದ್ಯ ಚಿಪಾಕ್ ಮೈದಾನದಲ್ಲಿ ನಡೆದಿತ್ತು. ಈ ಪಂದ್ಯಕ್ಕೆ ಮುಂಬೈ ಮೆಂಟರ್ ಸಚಿನ್ ತೆಂಡುಲ್ಕರ್ ಕೂಡಾ ಉಪಸ್ಥಿತರಿದ್ದರು.
ಸಚಿನ್ ರ ಮುಖ ಕಾಣುತ್ತಿದ್ದಂತೇ ಚಿಪಾಕ್ ಮೈದಾನದಲ್ಲಿರುವ ಪ್ರೇಕ್ಷಕರು ಸಚಿನ್…ಸಚಿನ್ ಎಂದು ಕರೆದು ಹಳೆಯ ದಿನಗಳನ್ನು ನೆನಪಿಸಿದರು. 2013 ರಲ್ಲಿ ಸಚಿನ್ ನಿವೃತ್ತಿಯಾಗಿದ್ದಾರೆ. ನಿವೃತ್ತಿಯಾದರೂ ಸಚಿನ್ ಮೇಲಿನ ಕ್ರೇಜ್ ಕೂಡಾ ಕಡಿಮೆಯಾಗಿಲ್ಲ ಎನ್ನುವುದಕ್ಕೆ ಇದೇ ಸಾಕ್ಷಿ.
