ಮುಂಬೈ: ಕ್ರಿಕೆಟ್ ಆಸ್ಟ್ರೇಲಿಯಾ ವಿಶ್ವಕಪ್ 2023 ಬೆಸ್ಟ್ ಇಲೆವೆನ್ ಘೋಷಿಸಿದ್ದು, ಈ ತಂಡದಲ್ಲಿ ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾರನ್ನು ಕಡೆಗಣಿಸಿದೆ.
ರೋಹಿತ್ ಬದಲಿಗೆ ಕ್ರಿಕೆಟ್ ಆಸ್ಟ್ರೇಲಿಯಾ ತನ್ನ ಕನಸಿನ ತಂಡದಲ್ಲಿ ವಿರಾಟ್ ಕೊಹ್ಲಿಗೆ ನಾಯಕತ್ವ ನೀಡಿದೆ. ಉಳಿದಂತೆ ತಂಡದಲ್ಲಿ ಕ್ವಿಂಟನ್ ಡಿ ಕಾಕ್, ಡೇವಿಡ್ ವಾರ್ನರ್, ರಚಿನ್ ರವೀಂದ್ರ, ಮಾರ್ಕರಮ್, ಗ್ಲೆನ್ ಮ್ಯಾಕ್ಸ್ ವೆಲ್, ಜೇನ್ಸನ್, ರವೀಂದ್ರ ಜಡೇಜಾ, ಮೊಹಮ್ಮದ್ ಶಮಿ, ಜಸ್ಪ್ರೀತ್ ಬುಮ್ರಾ, ಆಡಂ ಝಂಪಾ, ಮಧುಶಂಕಾ (12ನೇ ಆಟಗಾರ) ಗೆ ಸ್ಥಾನ ನೀಡಿದೆ.
ಆದರೆ ಭಾರತ ತಂಡವನ್ನು ಇದುವರೆಗೂ ಯಶಸ್ವಿಯಾಗಿ ಮುನ್ನಡೆಸಿ ಒಂದೇ ಒಂದು ಸೋಲು ಕಾಣದೇ ಸೆಮಿಫೈನಲ್ ತನಕ ತಂದಿರುವ ರೋಹಿತ್ ಶರ್ಮಾರನ್ನು ಕಡೆಗಣಿಸಿದೆ. ಈ ವಿಚಾರಕ್ಕೆ ರೋಹಿತ್ ಫ್ಯಾನ್ಸ್ ಕ್ರಿಕೆಟ್ ಆಸ್ಟ್ರೇಲಿಯಾಗೆ ಟಾಂಗ್ ಕೊಟ್ಟಿದೆ. ನಮ್ಮ ಕ್ಯಾಪ್ಟನ್ ಕ್ರಿಕೆಟ್ ಆಸ್ಟ್ರೇಲಿಯಾಗಿಂತಲೂ ದೊಡ್ಡವರು. ನಾವು ಟ್ರೋಫಿ ಎತ್ತಿಯೇ ನಿಮಗೆ ಉತ್ತರ ಕೊಡುತ್ತೇವೆ ಎಂದಿದ್ದಾರೆ.
