ರೋಹಿತ್ ಶರ್ಮಾರನ್ನು ವಡಾ ಪಾವ್ ಎಂದು ಕಿಚಾಯಿಸಿದ ಪ್ರೇಕ್ಷಕರು

Photo Courtesy: Twitter

ಇಂಧೋರ್: ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಮೂರನೇ ಟೆಸ್ಟ್ ವೇಳೆ ಬ್ಯಾಟಿಂಗ್ ಮಾಡಲು ಬಂದ ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾರನ್ನು ಮೈದಾನದಲ್ಲಿದ್ದ ಪ್ರೇಕ್ಷಕರು ವಡಾ ಪಾವ್ ಎಂದು ಮೂದಲಿಸಿದ್ದಾರೆ.

ರೋಹಿತ್ ಶರ್ಮಾ ಫಿಟ್ನೆಸ್ ಬಗ್ಗೆ ಇತ್ತೀಚೆಗೆ ಟೀಕೆ ಕೇಳಿಬಂದಿತ್ತು. ರೋಹಿತ್ ತಮ್ಮ ದೇಹ ತೂಕ ಹೆಚ್ಚಿಸಿಕೊಂಡಿದ್ದಾರೆ ಎಂದು ಮಾಜಿ ನಾಯಕ ಕಪಿಲ್ ದೇವ್ ಹೇಳಿದ್ದರು.

ಹೀಗಾಗಿ ಮುಂಬೈ ಮೂಲದ ರೋಹಿತ್ ರನ್ನು ಅಲ್ಲಿನ ಮೆಚ್ಚಿನ ತಿಂಡಿ ವಡಾ ಪಾವ್ ಗೆ ಹೋಲಿಸಿ ಕೆಲವು ವರ್ಗದ ಪ್ರೇಕ್ಷಕರು ಟಾಂಗ್ ಕೊಟ್ಟಿದ್ದಾರೆ. ಇದು ರೋಹಿತ್ ಶರ್ಮಾ ಅಭಿಮಾನಿಗಳನ್ನು ಸಿಟ್ಟಿಗೆಬ್ಬಿಸಿದ್ದು, ರೋಹಿತ್ ರನ್ನು ಬಾಡಿ ಶೇಮ್ ಮಾಡಿರುವ ಪ್ರೇಕ್ಷಕರ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ.