ಈ ಸಲ ಕಪ್ ನಮ್ದೇ ಅಲ್ವಾ? ರೋಹಿತ್ ಉತ್ತರವೇನು ಗೊತ್ತಾ?

ಕೋಲ್ಕೊತ್ತಾ: ದ.ಆಫ್ರಿಕಾ ವಿರುದ್ಧ ಏಕದಿನ ವಿಶ್ವಕಪ್ ಪಂದ್ಯವಾಡಲು ವಿಮಾನವೇರಲು ಬಂದಿದ್ದ ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾಗೆ ಪಪ್ಪಾರಾಜಿಗಳು ಈ ಸಲ ಕಪ್ ನಮ್ದೇ ಅಲ್ವಾ ಎಂದು ಪ್ರಶ್ನೆ ಮಾಡಿದ್ದಾರೆ.

ಕೋಲ್ಕೊತ್ತಾ ವಿಮಾನವೇರಲು ರೋಹಿತ್ ಗೇಟ್ ಬಳಿ ಬಂದಾಗ ಫೋಟೋಗ್ರಾಫರ್ ಗಳು ರೋಹಿತ್ ಗೆ ಮುತ್ತಿಗೆ ಹಾಕಿದ್ದರು. ಜೊತೆಗೆ ರೋಹಿತ್ ಮಾತನಾಡಿಸಲು ಪ್ರಯತ್ನಿಸಿದ್ದಾರೆ. ಈ ವೇಳೆ ಓರ್ವ ರೋಹಿತ್ ಭಾಯಿ ಈ ಸಲ ವಿಶ್ವಕಪ್ ನಮ್ಮದೇ ಅಲ್ವಾ ಎಂದು ಪ್ರಶ್ನಿಸಿದ್ದಾರೆ.

ಇದಕ್ಕೆ ರೋಹಿತ್ ಕೂಡ ಹೌದೆನ್ನುವಂತೆ ತಲೆಯಾಡಿಸುತ್ತಾ ಕೈ ಬೀಸಿ ನಡೆದಿದ್ದಾರೆ. ರೋಹಿತ್ ಈ ರೀತಿ ಪ್ರತಿಕ್ರಿಯಿಸುತ್ತಿದ್ದಂತೇ ಅಲ್ಲಿದ್ದವರು ಹರ್ಷೋದ್ಗಾರ ಮಾಡಿದ್ದಾರೆ. ಈ ಹಿಂದೆ ಏಷ್ಯಾ ಕಪ್ ಗೆ ತೆರಳುವ ಮುನ್ನವೂ ಬೆಂಗಳೂರಿನಲ್ಲಿ ರೋಹಿತ್ ಗೆ ಈ ಪ್ರಶ್ನೆ ಎದುರಾಗಿತ್ತು. ಆಗಲೂ ರೋಹಿತ್ ಈ ಸಲ ನಾವು ಗೆಲ್ತೀವಿ ಎಂದಿದ್ದರು. ಅದು ಕೊನೆಗೆ ನಿಜವಾಗಿತ್ತು.