ಮೆಟ್ಟಿಲಲ್ಲಿ ಕುಳಿತು ಸಂಭ್ರಮಿಸಿದ ಕೊಹ್ಲಿ-ರೋಹಿತ್ ವಿಡಿಯೋ ವೈರಲ್

ಹೈದರಾಬಾದ್: ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಮೂರನೇ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ ಗೆಲುವಿಗಿಂತ ಅಭಿಮಾನಿಗಳಿಗೆ ಖುಷಿ ಕೊಟ್ಟಿದ್ದ ರೋಹಿತ್-ಕೊಹ್ಲಿ ಸೆಲೆಬ್ರೇಷನ್.

ಪಂದ್ಯ ರೋಚಕ ಘಟ್ಟದಲ್ಲಿದ್ದಾಗ ಕೊನೆಯ ಓವರ್ ನ ಎರಡನೇ ಎಸೆತದಲ್ಲಿ ಕೊಹ್ಲಿ ಔಟಾದರು. ಆಗ ಭಾರತಕ್ಕೆ ನಾಲ್ಕು ಎಸೆತಗಳಲ್ಲಿ 5 ರನ್ ಬೇಕಾಗಿತ್ತು. ಔಟಾಗಿ ಪೆವಿಲಿಯನ್ ಗೆ ಮರಳದೇ ಮೆಟ್ಟಿಲ ಮೇಲೇ ಬ್ಯಾಟ್, ಪ್ಯಾಡ್ ಸಮೇತ ಕುಳಿತುಕೊಂಡ ಕೊಹ್ಲಿಗೆ ನಾಯಕ ರೋಹಿತ್ ಸಾಥ್ ಕೊಟ್ಟಿದ್ದರು.

ಹಾರ್ದಿಕ್ ಗೆಲುವಿನ ರನ್ ಬಾರಿಸುತ್ತಿದ್ದಂತೇ ಮೆಟ್ಟಿಲ ಮೇಲೆ ಕೂತು ಕಾತುರದಿಂದ ಪಂದ್ಯ ವೀಕ್ಷಿಸುತ್ತಿದ್ದ ರೋಹಿತ್-ಕೊಹ್ಲಿ ಪರಸ್ಪರ ತಬ್ಬಿ ಪಂಚ್ ಮಾಡಿ ಸಂಭ್ರಮಿಸಿದರು. ಅವರ ಈ ಸಂಭ್ರಮದ ವಿಡಿಯೋ ವೈರಲ್ ಆಗಿತ್ತು.